Ulttyq Olımpıada komıtetiniń baspasóz qyzmetiniń habarlaýynsha, Alına Ádilhanova kópsaıys qorytyndysy boıynsha 95.15 upaı jınap, jeńiske jetti. Ekinshi jáne úshinshi oryndy ózbekstandyqtar Tahmına Ikromova (92.90) men Ekaterına Fetısova (90.85) ıelengen.
Qazaqstan atynan synǵa túsken taǵy bir sportshy Adılıa Tilekenova jetinshi orynǵa taban tiredi. Lısenzııalyq Azııa birinshiligi 6 maýsymda bastalǵan bolatyn. Jarys erejesi boıynsha tek jeńimpaz atanǵan sportshyǵa Olımpıada joldamasy tabystalady.
Alına Ádilhanova 2018 jylǵy Azııa oıyndarynyń chempıony. Shymkent qalalyq № 9 kórkem gımnastıka sport mektebiniń shákirti. Búginde QR eńbegi sińgen jattyqtyrýshy Álııa Iýsýpovadan tálim alady.
