BQO TJ departamentiniń baspasóz qyzmetiniń aqparatyna súıensek, oqıǵa búgin saǵat 18.04-te Almaty kóshesi 109/1-mekenjaıynda ornalasqan 5 qabatty úıde bolǵan.
Ata-anasynyń qaraýynsyz qalyp, tórtinshi qabattan qulaǵan qyz bala aýrýhanaǵa jatqyzyldy. Jaǵdaıy ortasha aýyr.
Aldyn ala málimetke qaraǵanda, jabyq bas-mı jaraqatyn alyp, mıy shaıqalǵan. Murny synyp, ishinen de jaraqat alǵan.
Oblystyq densaýlyq saqtaý basqarmasynyń naqtylaýynsha, jedel járdem saǵat 18.04-te shaqyrtylyp, brıgada bes mınýttan keıin jetti. Oqıǵanyń mán-jaıy anyqtalý ústinde.
Qazirgi kezde oblystyq kópbeıindi balalar aýrýhanasynyń travmatologııa bólimshesinde jatqan qyzdyń jaǵdaıy turaqty.
