Oblystyq polısııa departamenti baspasóz qyzmetiniń málimetinshe, maýsymnyń 7-16 kúnderi aralyǵynda Aqmola oblysy polısııa departamentiniń kóshi-qon qyzmetiniń bólimsheleri oblys aýmaǵynda sheteldik azamattar jasaǵan quqyq buzýshylyqtardyń aldyn alý, olardyń qyzmetin qujattandyrý jáne QR-da bolý erejelerin óreskel buzýshylardy elden shyǵaryp jiberý úshin «Kelimsek» jedel-aldyn alý sharasyn ótkizýde.
Aksııa barysynda bazarlardy, qurylys obektilerin, qonaqúılerdi, saıajaı kentterin, jataqhanalardy jáne ónerkásiptik kásiporyndardy tekserý boıynsha belgili bir is-sharalar kesheni júzege asyryldy.
«Jedel aldyn alý is-sharasynyń úsh kúninde tórt sheteldik kóshi-qon zańnamasyn buzǵany úshin ákimshilik jaýapkershilikke tartyldy, olardyń ishinen bir sheteldik sot sheshimimen Qazaqstan Respýblıkasy aýmaǵynan shyǵaryldy. Budan basqa, О́zbekstan Respýblıkasynyń azamatynyń QR QK 392 baby boıynsha QR Memlekettik shekarasyn qasaqana zańsyz kesip ótkeni anyqtaldy», dep atap ótti vedomstvodan.
QR-da sheteldik jumys kúshin paıdalaný erejelerin buzǵany úshin óńirdiń 23 turǵyny ákimshilik jaýapqa tartyldy. Shaqyrylǵan sheteldikter QR Halyqtyń kóshi-qony salasyndaǵy zańnamasyn buzǵany úshin QR ÁQBtK-niń 518 baby boıynsha qabyldaýshy taraptarǵa qatysty 75 ákimshilik hattama toltyryldy. Budan basqa, tıisti qujattarsyz oblys ortalyǵynyń aýmaǵynda bolǵan 14 sheteldik Kókshetaý qalasy polısııa basqarmasynyń qabyldaý-ornalastyrý ornyna qamaýǵa alyndy.
