Bul týraly qala ákiminiń orynbasary Maqsut Isahov óziniń «Facebook» paraqshasynda jarııalady.
«Aldyn aıtyp ótkenimdeı, qalamyzda jaıaý júrginshilerdiń qaýipsizdigin qamtamasyz etý maqsatynda zamanaýı osyndaı jobany qolǵa alyp jatyrmyz. Jangeldın kóshesiniń boıyna ornatylǵan «aqyldy jaıaý júrginshiler joly» – joldy joǵarydan jaryqtandyryp, arnaıy belgilermen qamtıtyn proeksııalyq apparat. Mundaı jarqyn proeksııalyq jaıaý júrginshiler ótkeli ádettegi joldan áldeqaıda artyqshylyqtarǵa ıe. Máselen, proeksııa jaıaý júrginshini jaryqtandyryp, ony qarańǵyda da alystan aıqyn kórsetedi jáne aýa raıy men kólik túrin talǵamaıdy. Mundaı jobalar arqyly ınvestorlardy qyzyqtyryp, qalamyzdy odan da qaýipsiz, kórikti megapolıske aınaldyra túsemiz dep oılaımyn», dep jazǵan Maqsut Pernebaıuly.
Aıta keteıik, osyǵan deıin pılottyq joba Sypyrǵan Ata kóshesi men Ál-Farabı kóshesiniń qıylysy, Temirlan tas jolyndaǵy «Satti zhol» janar-jaǵarmaı beketiniń mańyna da ornatylǵan edi.
