Saltanat Baıqoshqarova «Probırkadan» shyqqan tuńǵysh balanyń «avtory» jáne Qazaqstandaǵy reprodýktologııanyń negizin qalaýshy. Ol ata-ana bolýǵa daıyndalyp júrgenderge koronavırýsqa qarsy vaksına alýǵa keńes berdi. Bul týraly dáriger «Almaty» telearnasyna bergen suhbatynda aıtty.
«Eger áıel júktilik kezinde COVID-19 aýrýyn juqtyrsa, qaýipti asqynýlar týyndaıdy», dedi Saltanat Baıqoshqarova.
Reprodýktologııa men embrıologııa salasyndaǵy tanymal kóshbasshy maman vaksına áıeldi de, er adamdy da bedeýlikke ákelmeıdi dep sendiredi. Sondaı-aq, maman KVI vaksınasynan keıin EKO baǵdarlamasynan bas tartý jalǵan ekenin aıtty.
«Koronavırýs vaksınasynan keıin eshkim EKO-dan bas tartpaıdy. Vaksınanyń ekinshi dozasyn alyp bir aıdan keıin júktilikti josparlap, EKO baǵdarlamasyna barýǵa bolady», dedi S. Baıqoshqarova.
Sonymen qatar dáriger vaksına adamnyń reprodýktıvti júıesine áser etpeıtinin aıtty.
«Kerisinshe vaksına alǵan adamda koronavırýsqa qarsy ımmýnıtet qalyptasady sondyqtan júktilikti josparlaýǵa bolady. Vaksına erlerdi de, áıelderdi de bedeýlikke ákelmeıdi. Biz naýqastarǵa aldymen vaksına alýdy, bir-eki aıdan keıin júktilikti josparlaýdy usynamyz», dedi S. Baıqoshqarova.
Onyń aıtýynsha, eger áıel tabıǵı jolmen nemese EKO-men júkti bolyp, aýrý juqtyrsa júktilik kezinde asqynýlar bolady.
«Árıne, qaıǵyly jaǵdaı bolǵanyn qalamaıtynymyz anyq, sondyqtan vaksına alý mańyzdy», dedi dáriger.
