Aqtóbe oblysy boıynsha Ekonomıkalyq tergep-tekserý departamenti Almaty, Nur-Sultan, Shymkent, Aqtóbe jáne Oral qalalarynda senimdi azamattardyń aqshasyn tartý boıynsha alaıaqtyq shemany anyqtaǵan.
«Qarjy pıramıdasyn uıymdastyrýshylar ózderin Unique finance sheteldik kompanııasynyń ókilderi retinde kórsete otyryp, halyqqa Pepsi, Nike, Microsoft, Ford jáne BMW sııaqty iri halyqaralyq kompanııalardyń baǵaly qaǵazdaryna aqsha ınvestısııalaýdy usynǵan.
Onyń ornyna salymshylarǵa salynǵan somanyń 6 paıyzy, jańa seriktestiń salym somasynyń 5 paıyzy mólsherinde aı saıynǵy paıda ýáde etilgen. Bul rette, eń mınımaldy salym 1000 AQSh dollary.
Baǵaly qaǵazdardyń ornyna halyqqa jalǵan aksııalar berilip, olardyń qarajatyn qarjy pıramıdasyn uıymdastyrýshylar ıelenip otyrǵan», delingen habarlamada.
Uıymdastyrýshylar 3 jáne 3,5 jylǵa sottaldy.
Agenttik málimetinshe, búgingi tańda naryqta azamattardy óz jobalaryna aqsha salýǵa shaqyratyn krıptovalıýta, sheteldik kompanııalardyń aksııalary, zergerlik buıymdar, týrıstik joldamalar, basqa taýarlar men qyzmetterdi satatyn kompanııalar kóbeıip ketken. Sonymen qatar aqsha tabýdyń mundaı tez jáne ońaı tásili úlken qarjylyq shyǵyndarǵa ákep soqtyrýy múmkin ekeni eskertedi.
