«Kóbeıtuz týraly naqty mynany aıta alamyn. Birinshiden, byltyr ákimdik sý men tuzǵa taldaý jasap, jaǵymsyz qorytyndy jasady. Ondaǵy sý men tuzdyń quramynda metaldar óte kóp ekeni málim bolyp otyr. Men osy alańdy paıdalanyp, turǵyndardan Kóbeıtuzǵa barýdan tartynýdy suraǵym keledi», dedi mınıstr.
Sondaı-aq atalmysh kóldi erekshe qorǵalatyn aýmaqqa aınaldyrý jergilikti ákimdikke baılanysty ekendigin de eskertti.
«Erekshe qorǵalatyn aýmaqqa aınaldyrý máselesine kelsek, bul – jergilikti atqarýshy organnyń quzyryndaǵy sharýa. Biz ony jergilikti rejımdegi erekshe qorǵalatyn aýmaqqa aınaldyrýdy usynǵan bolatynbyz. Laborotorııalyq zertteýlerdiń qorytyndysyn alyp otyrmyz. Ákimdik qazir bul máseleni sońyna deıin zerttep bitiredi. Aldaǵy 1-2 kúnde oblys ákimdigimen sóılesip, naqty málimet alatynymdy aıtqym keledi», dedi Maǵzum Myrzaǵalıev.
Sonyme qatar vedomstvo basshysy Kóbeıtuzdyń sýy men tuzy adam aǵzasyna qaýip tóndirýi múmkin degen boljam aıtty.
«Kóbeıtuzda byltyr aýdandyq ákimdik kordon qoıǵan. Odan ári qaraı kólikpen ótýge bolmaıdy. Ekinshiden, taǵy qaıtalap aıtam, kólge barý adamdardyń densaýlyǵyna qaýipti», dedi Maǵzum Myrzaǵalıev.
