Oqıǵa • 14 Maýsym, 2021

Almatyda baqylaý kamerasyna túsip qalǵan urylar ustaldy

42 ret kórsetildi

Almatyda úı tonaýmen aınalysqan eki er adam ustaldy. Olar buǵan deıin jeke úıde ornatylǵan baqylaý kameralaryna túsip qalǵan, dep habarlaıdy Egemen.kz.

Jelide jarııalanǵan vıdeoda eki er adamnyń «Nur Alataý» shaǵynaýdanyndaǵy jeke úıdiń aýmaǵyna zańsyz kirgen sáti túsirilgen.

«Qylmys tún ishinde bolǵan. Jeke úıdiń aýlasyna kirip, qaskóıler Hyundai avtokóliginiń esigin ashyp, sol jerden úı ıesiniń jeke múlkin urlaǵan. Áıel materıaldyq shyǵyndy 200 myń teńgege baǵalady. Atalǵan derek sotqa deıingi tergeýdiń biryńǵaı tiziliminde QR QK-niń 188-baby, 3-bólimi boıynsha tirkelgen.

Kúdiktiler birden anyqtaldy. Bireýi 1998 jyly týǵan V. esimdi  Almaty oblysynyń turǵyny jáne ekinshisi 1998 jylǵy B. esimdi almatylyq er adam. Qazirgi ýaqytta ustalǵandardyń osyǵan uqsas taǵy úsh adamnyń múlkin urlaýǵa qatysy bar ekeni dáleldendi. Barlyq epızodta qaskóıler qorshaý arqyly áreket etkeni nazar aýdartady», dedi Almaty qalalyq PD krımınaldyq PB-nyń bastyǵy Qýatbek Naýatov.

Kúdiktiler ýaqytsha ustaý ızolıatoryna qamaldy.

 

 

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar