Bul jobany uıymdastyrýdaǵy basty maqsat – jastardyń bos ýaqytyn tıimdi paıdalanyp, otansúıgishtikke tárbıeleý, týysqan halyqtar arasyndaǵy jastardyń dostyǵyna dáneker bolý. Sonymen qatar ónerge baýlı otyryp, qoǵamdaǵy qordalanǵan problemalardy astarly ázilmen jetkizý, jastar arasynda memlekettik tildiń qoldaný aıasyn keńeıtip, kóshbasshylyq qabiletin jetildirý.
Osyndaı halyqaralyq jobaǵa bul joly Qaraqalpaqstannyń Shomanaı aýdanynan «Shomanaı» komandasy da kelip qatysty.
Aýdan ákimi Bahadúr Iаngıbaevtyń demeýshiligimen 3000 shaqyrym joldy artqa tastap Nur-Sultanǵa bet burǵan bul komandany Shomanaı aýdany ákiminiń orynbasary Ámirhan Qaıypnazarov bastap keldi.
Iýsýp Seıdýllaev, Bahadır Qutlymuratov, Baıram Adılov, Muhammed Naýryzov jáne Qanat Aıǵazıev syndy jigitterden quralǵan «Shomanaı» komandasy sálemdesý jáne qysqa qaljyń nomınasııalarynda óner kórsetip, 19 komanda arasynan 1\4 fınalyna ótti.
