Aımaqtar • 15 Maýsym, 2021

Mańyzdy jobalar talqylandy

93 ret kórsetildi

Batys Qazaqstan oblysynda «Qaınar-AKB» kompanııasynyń jańa akkýmýlıator zaýyty salynatyn boldy. Oblys ákimdiginde ınvestısııa tartý boıynsha ótken aımaqtyq keńes otyrysyna jalpy quny 458 mlrd teńgeni quraıtyn bes joba talqylandy.

«Qaınar-AKB» JShS-niń ob­lysta salǵaly otyrǵan jańa zaýy­tynyń qýaty jylyna 1,2 mln qor­ǵasyndy-siltili akkýmýlıator shy­ǵarýǵa jetedi. Kompanııa bul iske 40 mln dollardaı qarjy quıý­dy josparlaǵan. Qurylys ju­mysy 2022 jyldyń ekinshi toq­sa­nynda bastalyp, 2023 jyldyń basynda za­ýyt iske qosylmaq.

Batys Qazaqstan oblysynyń ákimi Ǵalı Esqalıevtiń tóraǵaly­ǵymen ótken ınvestısııalar tartý, ınvestısııalyq ahýaldy jaqsartý jáne eksportty ilgeriletý boıynsha óńirlik keńestiń kezekti otyrysynda «Qaınar-AKB» JShS bas dırektorynyń orynbasary Turar Jolmaǵambetov akkýmýlıator bata­reıalaryn óndiretin zaýyttyń jo­basyn onlaın tanystyryp ótti. Onyń aıtýynsha, bul zaýytta 300 adam turaqty jumys isteıtin bo­lady. Zaýyt ónimi Eýroodaq elde­rine, Reseı men Kavkazǵa eksport­talady dep josparlanǵan. Mun­da akkýmýlıatordyń Kainar, Unikum, Bars, Nomad, Vo­jak sekildi tanymal túrleri shy­ǵa­ryl­maq. Investor jergilikti bı­lik­ten Oral qalasy aýmaǵynan te­mir jol jelisi, sý, gaz, káriz júıesi tar­tyl­ǵan jer telimin bólýdi surap otyr.

45 jyldyq tarıhy bar, ónimi 15 memleketke eksporttalyp jatqan zaýyttyń Aqjaıyq óńirindegi jobasyn keńes músheleri bir aýyzdan qoldady. Odan keıin óńir basshysy men «Qaınar-AKB» JShS bas dırektory Serikbaı Ájmaǵambetov ekijaqty memorandýmǵa qol qoıdy.

Al Dariyn Pro Invest Group kom­­panııasy Oral qalasyndaǵy eski spırt zaýyty aýmaǵynan óńirdegi kásipkerlikti damyta túsetin ón­diris bazasyn jasaqtaýǵa nıet bil­dirdi. Bul kompanııa aldaǵy eki jyl ishin­de 500 mln teńge ınvestısııa tartyp, keminde 40 adamdy jumyspen qamtymaq. Oral qalasynan 5 shaqy­rym jerde or­nalasqan 9 gektar aýmaqta 20 myń sharshy metr óndiris alańy jasaqtalyp, qoımalar men saý­da oryndary, keńse ǵımarattary kelýshilerge jalǵa beriledi dep kú­­tilgen. Kásiporyn óndiris baza­sy aýmaǵynan jylyjaı salyp, onda ósirilgen jemis-jıdekti óń­dep, kep­tiretin oryn salýdy da josparlaǵan.

Aqjaıyq aýdanyndaǵy Satı­mola jáne Terekti aýdanyna qarasty Shalqar ken oryndary mańynan kalıı tyńaıtqyshyn óndiretin zaýyt salý jónindegi ınvest jobasyn SRPM Resources Ltd JShS usynyp otyr. Kásip­oryn bul jobaǵa 436 mlrd teńge qarjy quımaq. Zaýyttyń tolyq qýaty – jylyna 4,7 mln tonna ka­lıı tyńaıtqyshyn óndirýge je­tedi. Ári onda 1300-den astam ju­mys orny ashylmaq. Seriktestik ınvestısııalyq jobany júzege asyrý úshin eki aýdan aýmaǵynan jer telimin surap otyr.

Oral qalasynan mammologııa já­ne allergologııa baǵytynda em­­­deıtin DiVera medısınalyq orta­­­lyǵyn salý jóninde joba­ny «KDL OLIMP» JShS usy­nyp otyr. Mundaı ortalyq bu­ǵan de­­ıin Qaraǵandy, Atyraý, Shym­­kent, Aqtóbe, Taldyqorǵan qa­la­­­la­rynda ashylǵan. Investor Oral qalasyndaǵy «Altyn ǵasyr» meıram­hanasynyń ǵımaratyn me­dı­sı­nalyq ortalyqqa aınaldy­rý­dy josparlap ta qoıǵan eken. Medısınalyq ortalyqta 50 maman jumys isteıdi. Búginde jıi kez­desetin áıel adamdardaǵy sút bezi aýrýlaryn erte anyqtaýǵa, al­lergııalyq dertterdi emdeýge nıet etip otyrǵan jańa ortalyqtyń qyz­metine suranys bar.

Osy otyrysta oraldyq «Kýk­sov» jeke kásipkerligi Shalqar kóli jaǵasynan týrıstik demalys ornyn ashý jobasyn ortaǵa saldy. Bul jobaǵa 5 jyl ishinde 3 mlrd teńge qarajat quıylyp, kól jaǵasynda demalys oryndary, kıiz úıler men zamanaýı shatyrlar ornatylmaq. Sondaı-aq kásipker kólge shabaq jiberip, balyq sharýashylyǵyn da damytqysy kelip otyr eken.

– Búgingi aımaqtyq keńes oty­rysyna jalpy quny 458 mlrd teńgeni quraıtyn bes joba usy­nyldy. Bul ınvest jobalar sátti júzege asyrylǵan jaǵdaıda eki myń­nan astam jumys orny ashylatyn bolady. Aýyl sharýashylyǵyn órkendetý, mashına jasaý salasyn jetildire túsý, týrızmdi damytý, mıneraldy tyńaıtqyshtar óndirý sekildi jobalar bizdiń óńir úshin óte mańyzdy. Sondyqtan atalǵan ınvest jobalardyń barlyǵyn jan-jaqty qoldaıtyn bolamyz, – deıdi Ǵalı Esqalıev.

 

Batys Qazaqstan oblysy

 

Sońǵy jańalyqtar

8 óńirde qolaısyz meteojaǵdaı kútiledi

Aýa raıy • Búgin, 09:41

Elorda oqýshylary qashyqtan oqıdy

Qoǵam • Búgin, 09:24

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar