Erler saıysynda Novak Djokovıch dara shyqty. Aqtyq aıqasta Serbııanyń sańlaǵy Grekııanyń saıypqyrany Stefanos Sısıpasty san soqtyrdy. Bir qyzyǵy, alǵashqy eki sette ejelgi Ellada eli ókiliniń mysy basym boldy – 7:6, 6:2. Alaıda odan keıin qarqynyn kúrt kúsheıtken Djokovıch jeńisti qarsylasynyń ýysynan julyp áketti – 6:3, 6:2, 6:4. Bul báseke 4 saǵat 12 mınýtqa sozyldy. Bul onyń «Rolan Garrostaǵy» ekinshi bas júldesi. Áıelder arasynda sensasııalyq nátıje tirkeldi. Álemdik reıtıngte TOP-30 oıynshynyń qataryna da enbegen Barbora Kreıchıkovanyń qarqynyna bul joly eshkim shydaı almady. Chehııa tennısshisi fınalda reseılik Anastasııa Pavlıýchenkovadan basym tústi – 6:1, 2:6, 6:4.
