Aımaqtar • 15 Maýsym, 2021

Oralda Isataı men Mahambet atyndaǵy katerler sýǵa tústi

25 ret kórsetildi

Oral qalasyndaǵy «Zenıt» zaýyty halyq batyrlary Isataı Taımanuly men Mahambet О́temisuly atyndaǵy kúzet katerlerin sýǵa túsirdi, dep jazady Egemen.kz

Foto: Rafhat Halelov

«Qaısar» jobasy boıynsha qurastyrylǵan bul shaǵyn kemeler Kaspıı teńizinde qyzmet atqarmaq.

Zaýyt nómiri №1 jáne №2 dep tańbalanǵan qos katerdiń sýǵa túsirý saltanaty Oral turǵyndary úshin ádettegideı mereke bolyp ótti.

– Bul qos kater «Zenıt» zaýyty ujymynyń eseli eńbeginiń nátıjesi. 1993 jyldan beri Otanymyzdyń qorǵanys qabiletin nyǵaıtyp, jyl saıyn teńiz shekaramyzdy qorǵaýǵa 1-2 keme shyǵaryp keledi. Búgin sýǵa túsken katerler sýdaǵy shekaramyz ben Qazaqstannyń ekonomıkalyq múddesin qorǵaıdy, terrorlyq aktilerdiń aldyn alady, zańsyz balyq aýlaýshylardy quryqtaıdy, teńizde ruqsatsyz taýar tasýshylardyń jolyn kesedi. Teńizshiler el múddesine kerek strategııalyq mindetterdi júzege asyryp otyr. Bizdiń «Zenıt» zaýyty – elimizde kater men keme jasaıtyn jalǵyz kásiporyn. Men onyń bolashaǵy jarqyn bolaryna senemin, – dedi Batys Qazaqstan oblysynyń ákimi Ǵalı Esqalıev.

v

Kúzet kateriniń bes qarýy saı, úsh táýlik boıy esh jerge soqpaı júre alady. Uzyndyǵy 14 metrlik katerdiń sýdaǵy syıymdylyǵy 15 tonna. Katerdiń óz ekıpajy 4 adamnan tursa, qosymsha taǵy 4 adamdy jolaýshy retinde ala alady. 3 balldyq teńiz tolqynyna shydas beretin bul sý kóligi saǵatyna 35 ýzl, ıaǵnı 65 shaqyrymǵa deıin jyldamdyqpen júze alady.

- Búgin bizdiń shekara qyzmeti úshin óte erekshe kún. Bul katerlerge batyr atalarymyzdyń esimi berilgeni de biz úshin óte qýanyshty bolyp tur. «Zenıt» zaýyty alǵashqy kúnnen beri Qazaqstan Respýblıkasynyń Kaspıı teńizindegi shekarasyn qorǵaý isine úlken úles qosyp keledi, - dedi Ulttyq Qaýipsizdik komıteti Shekara qyzmetine qarasty Shekara qorǵaý departamentiniń Jaǵalaý kúzeti basqarmasynyń bastyǵy 1 rangaly kapıtan Sabyr Hasanov.

 

Batys Qazaqstan

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar