Oblystyq Polısııa departamentiniń bastyǵy, polısııa polkovnıgi Qamza Úmbetqalıevtyń aıtýynsha, «Karasora-2021» jedel aldyn alý is-sharasy ótip jatyr.
«Atalǵan is-shara kezinde ekstremızmge qarsy is-qımyl jáne esirtki qylmysyna qarsy is-qımyl basqarmalarynyń qyzmetkerleri Atyraýǵa Oral qalasynan kelip, sıntetıkalyq esirtki satpaq bolǵan 1998 jáne 1999 jyly týǵan eki kúdiktini ustady. Kúdiktilerden sıntetıkalyq esirtki bar zıp paketterge oralǵan 46 túıir tabyldy. Olardyń jalǵa alǵan páterinen eki paketke oralǵan sıntetıkalyq esirtki zaty men 100 dana daıyn betbelgi tárkilendi. Nátıjesinde jalpy somasy 24 mln teńgege jýyq sıntetıkalyq esirtkiniń 2 400 bir rettik dozasy zańsyz aınalymǵa jiberilmedi» deıdi Qamza Úmbetqalıev.
Qazir ustalǵan kúdiktilerge QR Qylmystyq Kodeksiniń 297-babynyń 3-bóligimen tergeý amaldary bastaldy. Al, kúdiktiler sottyń sanksııasymen Atyraý qalasyndaǵy tergeý ızolıatoryna qamaldy.
