«Mektep túlekteriniń aldyna budan da anaǵurlym mańyzdy maqsattar qoıatyn kez keldi. Olardyń ómiriniń jańa kezeńi bastalýda. Bul, rasynda, tolǵanysqa toly ári júregiń týlap, qobaljıtyn sát. Jastardyń kóbi qazirden-aq unaıtyn mamandyqtaryn tańdap qoıdy jáne sol jolda maqsattaryna qadamdap jetetin bolady.
«Altyn belgi» ıelerin quttyqtadym. Olardyń sany – 403 oqýshy. Odan bólek, 367 oqýshy mektepti úzdik aıaqtady. Bul oqý jyly bárine ońaı tıgen joq, soǵan qaramastan bizdiń oqýshylar respýblıkalyq olımpıadalar men baıqaýlarda, sonyń ishinde halyqaralyq deńgeıde de 1400 medaldi jeńip aldy. Elordanyń qurama komandasy osymen 14-inshi jyl qatarynan jalpy komandalyq esepte 1-oryndy jáne «Úzdik olımpıadalyq komanda» ataǵyn aldy. Munyń bári – bizdiń oqýshylar men muǵalimderdiń jáne ata-analardyń qajyrly eńbegi men jańa bilim alýǵa degen talpynysynyń, nıetiniń arqasy», dep jazdy elorda ákimi.
Sondaı-aq qala ákimi ár túlektiń maqtaýǵa laıyq ekenin, alaıda áli de kóp oqyp, jańa mashyqtar men bilimdi meńgerý kerek ekenin aıtty.
«Eshteńe de ońaıshylyqpen kelmeıdi, tek mańdaı ter men tereń bilimniń arqasynda dittegen oılaryńyzǵa jetip, óz elińiz ben qalańyzdyń laıyqty azamattary bola alasyzdar.
Memleket tarapynan sizderdiń sapaly bilim alyp, jaıly jerde oqýlaryńyz úshin barlyq jaǵdaı jasala beredi.
Al bizdiń elordamyz sizderdiń eń bir batyl bastamalaryńyzdy júzege asyratyn, bolashaq myqty mamandyq ıeleri bolýlaryńyzǵa dańǵyl jol ashatyn astana bolyp qala beredi», dep jazdy elorda ákimi.
