SQO ekologııa departamenti baspasóz qyzmetiniń málimetinshe, QR ekologııa, geologııa jáne tabıǵı resýrstar mınıstri M.M.Myrzaǵalıevtiń buıryǵymen SQO boıynsha ekologııa departamentiniń basshysy laýazymyna Azamat Bektasov taǵaıyndaldy.
Jańa basshyny QR EGTRM ekologııalyq retteý jáne baqylaý komıtetiniń tóraǵasy Zýlfýhar Joldasov tanystyrdy.
Azamat Baýyrjanuly eńbek jolyn Esil aýdanynyń Pokrovka aýylynda pedagog bolyp bastaǵan. 2014-2020 jyldary SQO boıynsha ekologııa departamentinde bas maman, memlekettik ekologııalyq baqylaý bóliminiń basshysy, basshynyń orynbasary qyzmetterin atqarǵan.
Keıin Qaraǵandy oblysy boıynsha ekologııa departamenti basshysynyń orynbasary qyzmetin atqardy. Osy ýaqytqa deıin SQO ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń orynbasary bolyp jumys istedi.
