Match taǵdyryn birinshi taım aıaqtalar tusta jartylaı qorǵaýshy Alekseı Mıranchýk salǵan gol sheship ketti.
Jalpy, kezdesý tartysty bastalǵan. Oıynnyń úshinshi mınýtynda shabýylshy Pohıanpalo Reseı qaqpasyn dál kózdegen edi. Alaıda VAR-dyń kómegine júgingen tóreshiler onyń aldynda ofsaıd bolǵanyn anyqtap, goldy esepke alǵan joq.
Birinshi taım sońyna tóreshi 6 mınýt qosqan edi. Qosymsha ýaqyttyń ekinshi mınýty ótip jatqanda Artem Dzıýbanyń baspen bergen dobyn Alekseı Mıranchýk qaqpaǵa dál baǵyttap, esep ashty.
Ekinshi taımda da birneshe qaýipti sát bolǵanymen budan keıin tablodaǵy esep ózgergen joq. Osylaısha, Reseı týrnırdegi alǵashqy upaıyn ıelenip, V tobynda ekinshi orynǵa kóterildi.
Top basynda úsh upaımen Belgııa quramasy tur. Aıta keterligi, erteń 22:00-de Belgııa men Danııa quramalary sheberlik baıqasady.
Fınlıandııa – Reseı 0:1
Gol soqqan:
0:1 – 45+2 Mıranchýk.
Fınlıandııa – Gradeskı, Ýronen, Araıýýrı, O`Shonessı, Raıtala (Soırı, 75), Shıýller (Kaýko, 67), Kamara, Lýd, Toıvıo (Iensen, 84), Pohıanpalo, Pýkkı (Lappalaınen, 75).
Reseı – Safonov, Djıkııa, Dıveev, Fernandes (Karavaev, 26), Kýzıaev, Zobnın, Barınov, Golovın, Ozdoev (Jemaletdınov, 61), Mıranchýk (Mýhın, 85), Dzıýba (Sobolev, 85).
Eskertý alǵandar:
Kamara (22), Barınov (27), Ozdoev (34), Djıkııa (88), O`Shonessı (90).
