OKQ brıfınginde tilshi Dosmuhambetovten burynǵy orynbasary kináli dep tanylsa, otstavkaǵa ketý týraly pikirin surady.
«Men sizder biletin aqparatty ǵana bilemin. Tergeý barysy men sot talqylaýynyń barysy týraly túsinik bere almaımyn. (...) Memlekettik qyzmet týraly zań boıynsha, árbir saıası qyzmetker, eger onyń tikeleı baǵynyshtysy sybaılas jemqorlyqqa qatysty sottalatyn bolsa jáne bul sot sheshimimen aıqyndalsa, otstavkaǵa ketýge tıis. Men de zańǵa baǵynamyn, zańǵa sáıkes áreket etemin», dep jaýap berdi ákim.
Mahambet Dosmuhambetovke bul suraq buryn da qoıylǵan. 2020 jyldyń qyrkúıeginde ol: «Eger tergeý aıaqtalyp, sot ony kináli dep tapsa, men zańǵa sáıkes otstavkaǵa ketýge daıynmyn. Ony qabyldaý nemese qabyldamaý týraly máseleni Prezıdent sheshedi» degen bolatyn.
2020 jyldyń qyrkúıeginde BAQ Atyraý oblysy ákiminiń birinshi orynbasary Nurlan Taýbaevtyń ustalǵany týraly habarlady. Advokat Atyraý oblysy ákiminiń birinshi orynbasarynyń ustalýyna qatysty túsinik berdi.
