Oqıǵa • 18 Maýsym, 2021

Almaty oblysynda úzdik dárigerlerge 1 mln teńgeden berildi

176 ret kórsetildi

Almaty oblysynda densaýlyq saqtaý salasy qyzmetkerlerin kásibı merekelerimen quttyqtady, dep habarlaıdy Egemen.kz.

Osy mereıli kúnge arnalǵan saltanatty jıynǵa oblys ákimi Amandyq Batalov qatysyp, jyl saıyn 10 nomınasııa boıynsha ótetin konkýrsta bıylǵy úzdik shyqqandardy marapattady. Almaty aımaqtyq klınıkalyq balalar aýrýhanasynyń gematolog dárigeri Merýert Jumabaeva men Ile aýdany Qosózen dárigerlik ambýlatorııasynyń meńgerýshisi Alma Sembaeva «Úzdik dáriger» jáne «Úzdik aýyl dárigeri» atalymynyń jeńimpazdary atanyp, árqaısysyna 1 mln. teńgeniń sertıfıkaty berildi, - dep habarlaıdy Almaty oblysy ákiminiń baspasóz qyzmeti.

Saltanatty jıyn oblystaǵy densaýlyq saqtaý salasynyń jetistikteri týraly fılmmen ashyldy. Munan soń medısına mamandaryna oblys ákimi Amandyq Batalov quttyqtaý sózin jetkizdi:

- Qurmetti medısına salasynyń qyzmetkerleri men ardagerleri! Sizderdi kásibı merekelerińizben shyn júrekten quttyqtaımyn! Eldegi qalyptasqan pandemııa jaǵdaıynda bar bilimi men tájirıbesin, erik-jigerin indetpen kúreske, halyqtyń saýlyǵyn qorǵaýǵa baǵyttaǵan barshańyzǵa jetisýlyqtardyń atynan jáne óz atymnan alǵys aıtamyn! Deni saý adam – qoǵamnyń baılyǵy. Sondyqtan kez kelgen memleket el azamattarynyń densaýlyǵyn saqtaýdy, ál-aýqatyn arttyrýdy birinshi kezekke qoıady. Bul rette Elbasynyń tapsyrmasyna jáne Prezıdentimiz Qasym-Jomart Toqaevtyń aldymyzǵa qoıǵan mindetterine sáıkes aýrýdyń aldyn alýǵa, medısınalyq qyzmettiń qoljetimdi ári sapaly bolýyn qamtamasyz etýge bar jaǵdaı jasalyp keledi. Ǵımarattar jańartylyp, materıaldyq-tehnıkalyq baza nyǵaıtyldy. Medısına qyzmetkerleriniń alańsyz jumys isteýine qajetti barlyq múmkindikter qarastyryldy, - dep atap ótti A. Batalov.

Ol óz sózinde bıylǵy jyly medısına salasyna bólingen qarjy 168 mlrd. teńgeden asqanyn aıtty. Sol sııaqty qazir jergilikti bıýdjet esebinen medısınalyq joǵary oqý oryndarynda jáne rezıdentýrada 239 adam oqýda, bıylǵy jyly taǵy 30 stýdentti oqýǵa kirgizý josparlanǵan. Sondaı-aq ótken jyly medısına qyzmetkerlerine 127 páter satyp alýǵa 756 mln. teńge jumsaldy. Taǵy 30 jalgerlik úı jańa kottedjdi qalashyqtan berildi. Oǵan qosa Taldyqorǵanda densaýlyq saqtaý mamandaryna arnap taǵy bir kóp páterli úı salý josparlanyp otyr.

- «Deniń saý bolsa, dáýlet sol», deıdi babalarymyz. Al Uly dáriger Gıppokrat: «Medısına shyndyǵynda óner ataýlynyń ishindegi eń ıgisi» degen eken. Rasynda adam janyna arashashy bolǵannan artyq ıgilik joq. Antyna adaldyq tanytyp, kún saıyn erlikke teń is atqaryp júrgen sizderdiń árqaısylaryńyz barlyq qurmetke laıyqsyzdar. Biz jýyrda ınfeksııalyq aýrýhananyń qarsy betine arnaıy skver jasap, skverge medısına qyzmetkerlerine arnalǵan eskertkish qoıamyz. Eskertkishtiń jobasy daıyn. Onda dárigerdiń alaqanynda О́mir aǵashy ósip turǵany beınelenedi, - dedi A.Batalov.

Munan soń indetpen kúres kezinde qaza bolǵan densaýlyq saqtaý salasynyń mamandarynyń beıneleri men esimderi ekrannan kórsetilip, jınalǵan qaýym olardy bir mınýt únsizdikpen eske aldy.

Saltanat shara nagradtaý rásimimen jalǵasty. Oblys ákimi 10 atalym boıynsha ótken konkýrstyń jeńimpazdaryna marapat tapsyrdy. Máselen, Almaty aımaqtyq klınıkalyq balalar aýrýhanasynyń gematolog dárigeri Merýert Jumabaeva «Úzdik dáriger» atansa, Ile aýdany Qosózen dárigerlik ambýlatorııasynyń meńgerýshisi Alma Sembaeva «Úzdik aýyl dárigeri» nomınasııasyn jeńip aldy. «Densaýlyq salasynyń úzdik menedjeri» atalymynyń júldesi Taldyqorǵan qalasyndaǵy oblystyq kardıologııalyq ortalyqtyń dırektory Nursan Surashevke berildi. Olarǵa 1 mln. teńgeniń sertıfıkaty usynyldy.

«Úzdik feldsher» júldesin Talǵar aýdany, Arqabaı aýyly medısınalyq pýnktiniń feldsheri Marııahan Ibysheva jáne «Úzdik orta medısına qyzmetkeri» júldesin Sarqan aýdandyq ortalyq aýrýhanasynyń meıirbıkesi Aınur Makenova alyp, árqaısysy 750 myń teńgeden aqshalaı syılyqqa ıe boldy. Sonymen birge Taldyqorǵan qalasyndaǵy «Nur Avıseným» medısınalyq ortalyǵynyń áleýmettik qyzmetkeri Marına Terpılovskaıa -«Úzdik áleýmettik qyzmetker» atanyp, 500 myń teńgeniń aqshalaı sertıfıkatyn ıelendi.Taldyqorǵan qalasy 6-shy shaǵyn aýdandaǵy alǵashqy medısınalyq-sanıtarlyq kómek kórsetý ortalyǵy - «Úzdik dárigerlik ambýlatorııa», Qapshaǵaı qalasy Qosqudyq aýyldyq feldsherlik-akýsherlik pýnkti - «Úzdik feldsherlik-akýsherlik pýnkt», Eskeldi aýdany Teńlik aýylynyń medpýnkti - «Úzdik medısınalyq pýnkt», Jambyl aýdany jedel jáne shuǵyl medısınalyq kómek bólimshesi «Jedel járdem qyzmetiniń úzdik podstansııasy» atanyp, mekemelerge 500 myń teńgeden júlde berildi.

Saltanatty sharada oblys ákimi óńirdegi 40-qa jýyq medısına mamanyna kásibı biliktiligi jáne mamandyǵyna adaldyǵy úshin «Eńbek ardageri» medali, Qazaqstan Respýblıkasy Densaýlyq saqtaý mınıstrliginiń «Densaýlyq saqtaý isiniń úzdigi», «Densaýlyq saqtaý isine qosqan úlesi úshin» tósbelgilerin, oblys ákiminiń Qurmet gramotasy men Alǵys hattaryn tapsyrdy.

Oblys ákimi Amandyq Batalovqa da Densaýlyq saqtaý mınıstrliginiń «Densaýlyq saqtaý isine qosqan úlesi úshin» medali berildi.

Medısına mamandarynyń atynan sala ardageri Tileýberdi Janseńgirov jáne «Úzdik dáriger» nomınasııasynyń jeńimpazy Almaty aımaqtyq klınıkalyq balalar aýrýhanasynyń gematolog dárigeri Merýert Jumabaeva sóz aldy. Áriptesterin kásibı merekelerimen quttyqtaı otyryp, halyqtyń densaýlyǵyn saqtaýǵa, medısınalyq qyzmet sapasyn arttyrýǵa budan ári de aıanbaı eńbek etetinderin jetkizdi jáne ózderine kórsetilgen qurmet pen qoldaý sharalary úshin rızashylyqtaryn bildirdi.

Sala mamandaryn óner ıeleri de quttyqtap, án-jyrdan shashý shashty.

Jalpy bıylǵy jyly oblysta medısına salasynyń bıýdjeti 168 mlrd. teńgeden asty. «Nur Otan» partııasynyń saılaýaldy baǵdarlamasynyń Jol kartasy aıasynda 2025 jylǵa deıin óńirde 109 densaýlyq saqtaý nysany salynady, sonyń 23-i bıyl salynýy tıis, bul rette 20-sy tez turǵyzylatyn blokty-modýldi medpýnktter bolmaq. Qabyldanǵan sharalar men memleket qoldaýynyń arqasynda medısınalyq jabdyqtarmen, avtokólik quraldarymen qamtý kórsetkishi 90%-ke jetkizildi. Bıylǵy jyly 3,2 mlrd. teńgege taǵy da qosymsha zamanaýı medısınalyq quraldar satyp alynady. Sonyń nátıjesinde alǵashqy medısınalyq-sanıtarlyq kómek kórsetý uıymdarynyń jabdyqtalýy 93%-ǵa jetedi.

Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Uqsas jańalyqtar