Tıisti sheshim týraly otyrysta BUU Bas Assambleıasynyń 75-shi sessııasynyń tóraǵasy Volkan Bozkyr málimdedi.
«Men 2022 jyldyń 1 qańtarynan bastap 2026 jyldyń 31 jeltoqsanyna deıin Antonıý Gýterrıshtiń BUU Bas hatshysy bolyp ekinshi merzimge taǵaıyndalǵanyn jarııalaý qurmetine ıe boldym», dedi ol. Gýterrıshti taǵaıyndaý týraly sheshim daýys berýsiz qabyldandy.
Taǵaıyndaý týraly habarlanǵannan keıin, Bozkyr syrtta sheshim kútip turǵan Gýterrıshti zalǵa shaqyryp, ant bergizdi.
Gýterrısh BUU Bas hatshysy qyzmetine jalǵyz úmitker boldy. Buǵan deıin ony dúnıejúzilik uıymnyń Qaýipsizdik Keńesi qoldaǵan. BUU Bas Assambleıasy Qaýipsizdik Keńesiniń usynystarymen bir ret qana 1950 jyly kelispegen bolatyn.
Aıta keteıik, BUU Bas hatshysy bes jyldyq merzimge saılanady.
