Medısına • 20 Maýsym, 2021

Altyn qoldy anestezıolog

293 ret kórsetildi

Balalar dárigeri bolýdyń ózindik ereksheligi bolsa kerek ári jaýapkershiligi de joǵary ekeni anyq. Muny kishkentaı emdelýshige kómek kórsetetin árbir aq jeleńdi abzal jan jaqsy túsinedi. Qoly jeńil, júzinen meıirim tógilip turatyn medısna qyzmetkeriniń mindeti tym jaýapty ekenin emhanaǵa tabyldyryǵyn attaǵan ata-ana da uǵynady.

Osy turǵydan qaraǵanda Taldyqorǵandaǵy kópsalaly balalar aýrýhanasynda qyzmet etetin dárigerlerdiń eńbegi eresen. Oblys ortalyǵyndaǵy mekemege aımaqtyń 17 aýdanynan da dertine dárý izdegen naýqas balalar keledi. О́kinishke qaraı, aýrýhanaǵa jol apatyna dýshar bolyp, jaraqat alǵan balalar jıi túsip jatady. Kóp jaǵdaıda kishkentaı pasıenterge ota jasaýǵa týra keledi eken. Sondyqtan da mundaǵy reanımasııa jáne ıntensıvti terapııa bóliminiń mamandarynyń jumysy únemi qaýyrt. Ásirese, hırýrg dáriger men anestezıologııalyq kómek kórsetýshi meıirbıkeniń jumysy qatań talap pen erekshe kásibılikti talap etetini anyq. Búgin biz sondaı maqtaýly mamannyń biri - oblystyq kópsalaly balalar aýrýhanasynyń bas meıirbıkesi, anestezıolog Gúlnarhan Tileýbaeva týraly az-kem sóz qoǵamaqpyz.

Gúlnarhan Rústembekqyzy bala kúninen dáriger bolýdy armandaǵan eken. Ádette, medısına salasyna júrek qalaýymen kelgen jannyń bári balalyq shaǵynda qýyrshaqqa «em-dom» jasap, ekpe salyp oınap óskenin aıtady ǵoı. Bizdiń keıipkerimiz de sondaı sátterin eljireı otyryp eske alady. 1983 jyly sol kezdegi medısınalyq ýchılıshege qujat tapsyrǵanda  sábı shaqtaǵy rmanyna bir taban jaqyndaǵandaı bolǵan eken. Arnaıy oqý orynyn úzdik aıaqtap, joldamamen qazirgi jumys ornyna keldi. Iаǵnı, ol Taldyqorǵandaǵy kópsalaly balalar aýrýhanasynda taban aýdarmaı áli kúnge deıin qyzmet etip júr. Jas mamannyń bilimi men elgezek minezine senim artqan basshylyq ony birden aýrýhanadaǵy eń jaýpty bólim – hırýrgııa bólimshesine kezekshi meıirbıke - anestezıolog etip jiberipti. Bul – 1986 jyl bolatyn. Sodan 1994 jylǵa deıin nebir jaýapty otalarǵa qatysyp, reanımasııa men ıntensıvti terapııa baǵytynda asqan sheberlikpen jumys istep keldi. Keıinnen bas meıribıke qyzmetine aýysqan. Aq jeleńdi abzal ana 4 bala ósirip, qutty ornyna qondyrǵan eken. Qazir 3 nemere súıip otyrǵan asyl áje.

- Medısına qyzmetkeri bolýdy bala kezimnen armandap, tańdadym ǵoı. Oǵan jyldam qol jetkizý úshin birden ýchılıshege tústim,bul tájirıbe úshin taptyrmas jol boldy. Al joǵary bilimdi eńbek etip júrip aldym. Jalpy, taǵdyryma rızamyn. О́ıtkeni, men oqýdy bitirgende balalar aýrýhanasynda jumys isteımin dep oılamadym. Osy jolǵa toǵystyrǵany úshin shúkirshilik etemin. О́ıtkeni, balalardyń densaýlyǵy úshin kúresý asqan jaýapkershilikti talap etedi.  Keıde naýqas balaǵa týǵan anasynan beter báıek bolasyń, aýyr ota kezinde janyń shyrqyraıtyn kezder bolady. Anestezıolog árbir ota kezinde qylkópirmen júrip ótkendeı bolady desem artyq aıtpaspyn. О́ıtkeni, naýqasqa ota aldynda narkoz salý asqan dáldik pen kásibılikti qajet etedi. Operasııadan keıin qalypty jaǵdaıǵa jyldam oralý da anestezıologtyń jaýapkershiligine syn. Onyń ústine, dárigerler ishte naýqastyń ómiri úshin kúresip jatqanda, syrtta onyń eń jaqyn adamy úmit pen kúdik arasynda turady. Muny sózben aıtyp jetkizý qıyn, árıne. Ádette reanımasııa bóliminiń dárigerleri ota jasap shyqqanda ómir men ólimniń arasynan súıinshi habar alyp kelgen perishtedeı kórinetin sııaqty, - deıdi Gúlnarhan Rústembekqyzy.

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Uqsas jańalyqtar