Aımaqtar • 21 Maýsym, 2021

Indettiń qaýpin jete sezinbeıtinder kóp

47 ret kórsetildi

Sońǵy aptada Batys Qazaqstan oblysynda koronavırýs juqtyrǵandar sany ótken aptamen salystyrǵanda 11 paıyzǵa kóbeıip ketti. О́ńirde kovıdke qarsy vaksınanyń ekinshi dozasy tapshy.

Batys Qazaqstan oblystyq densaýlyq saqtaý basqarmasy basshysy mindetin atqarýshy Arman Qalıbekovtiń aıtýynsha, óńirdegi 4 karantındik stasıonarda 32 adam, 18 ınfeksııalyq stasıonarda 419 adam jatyr. Naýqastardyń kópshiligi, ıaǵnı 360 adam Oral qalasyndaǵy aýrýhanalarda jatyr.

«Jyl basynda bizdiń ınfeksııalyq stasıonarlarda orta eseppen 180 adam em alatyn, biraq qańtardyń sońyna qaraı kúrt kóbeıip, 410 adamǵa deıin jetti. Qazirgi ahýal da osyndaı. Jan saqtaý bóliminde ázirlengen 72 kereýettiń 31-i bos emes», dep málimdedi Arman Talǵatuly.

О́ńirde jyl basynan beri Sovid-19 dertinen 185 adam qaıtys bolǵan. Mar­qumdardyń eń kóbi (56 adam) mamyr aıynda tirkeldi. Olardyń 135-i – jasy 65-ten asqan adamdar. Mamandar ólim-jitimniń kóptigin naýqastardyń dárigerge der kezinde qaralmaýynan jáne qosymsha sozylmaly dertteriniń asqynýynan dep otyr. Qazir kún saıyn oblystyq ınfeksııalyq aýrýhanaǵa orta eseppen 31-32 naýqas qabyldanyp jatyr.

О́tken aptada óńirimizde koronavırýs ınfeksııasyn juqtyrǵandardyń qatary qaıta kóbeıe bastaǵan. Qoǵamdyq kólikterde adamdardyń kóbi maskasyz júr. Turǵyndardan maska taǵýdy talap etpegen jolaýshy tasymaldaý­shy kompanııalarǵa endi sýbsıdııa be­ril­meıdi. Bul týraly oblysy ákimi Ǵalı Esqalıev ótkizgen jedel shtab otyrysynda aıtyldy.

A.Qalıbekovtiń aıtýynsha, 12 maý­symda qytaılyq CoronaVac vaksına­synyń 8 myń dozasy jetkizilgen.

Sońǵy kezderi túrǵyndardyń vaksına alý qarqyny da tómendegen. Máselen, sáýir aıynda kúnine 3 myńdaı turǵyn vaksına alǵan bolsa, qazirgi kúnde kúnine 1 myń adam, senbi-jeksenbi kúnderi 400-deı turǵyn vaksına alady eken.

«Koronavırýstyń qurbany bolǵan turǵyndarymyz az emes. Máselen, qań­tarda – 28, naýryzda – 30, mamyrda – 56, maýsymda 14 adam ınfeksııadan kóz jumdy. KVI aýrýynan keıin naý­qastar­dyń kóbinde arterııa trombozy, ókpe zaqymdanýy (fıbroz) baıqalady. Son­dyqtan turǵyndardy karantındik sharalardy saqtap, bosańsymaýǵa sha­qyramyn», dedi basqarma ókili.

BQO bas sanıtarlyq dárigeri Muhamǵalı Aryspaevtyń aıtýynsha, sońǵy aptada óńirde koronavırýs ınfeksııasyn juqtyrǵandar sanynyń ósýi baıqalady. Máselen, 1-7 maýsym aralyǵynda óńirde 634 ınfeksııa juqtyrsa, 8-14 maýsym aralyǵynda 712 adam aýrýǵa shaldyqqan. О́sim 11%-dy quraıdy.

Qala ákimi Abat Shynybekovtiń bergen málimeti boıynsha jyl basynan beri karantındi buzýdyń 187 faktisi anyqtalyp, 6 mln teńgeden asa somaǵa 123 hattama jasalǵan.

«Sońǵy kezderi turǵyndar karantın talaptaryna qaramastan úılený toılaryn ótkize bastady. Derkól kentindegi «Ámına», Zashaǵan kentindegi «Marsel», «Aızat», Juldyz shaǵyn aýdanyndaǵy «Naýryz» meıramhanasy boıynsha materıaldar jınalyp, sheshim qabyldaý úshin sanıtarııalyq-epıdemıologııalyq baqylaý departamentine jiberildi. Shek­teý sharalaryn birneshe ret buzǵan «Kimge 30» kafesi boıynsha materıaldar sotqa jiberildi. Kafeniń ıesine aıyppul salynyp, qyzmeti toqtatyldy», dedi A.Shynybekov.

О́ńir ákimi Ǵalı Esqalıev monı­to­rıngtik toptardyń jumysyn jandandyrý qajet ekenin aıtty.

«Turǵyndarymyzdyń kópshiligi koronavırýs ınfeksııasymen aýyrsam da, emdelip shyǵamyn ǵoı dep oılaıdy. Biraq sarapshylar bul aýrýdyń zardaby birneshe jylǵa sozylatynyn aıtýda. Áli tolyq zerttelmegendikten, ońaltý sharalary da naýqastardyń bárine birdeı kele bermeıdi. Ár naýqastyń densaýlyǵyn eskerip, jeke qaraýǵa týra keledi. Biz epıdemııa kezinde óte qıyn jaǵdaıda ómir súrip jatyrmyz. Sondyqtan barynsha bosańsymaı, ózimizdi jáne jaqyndarymyzdy qorǵaýymyz qajet. Bul úshin taza aýada kóbirek bolyp, dene jattyǵýlaryn jasap, únemi maska taǵyp, saqtanyp júrgenimiz jón», dedi oblys basshysy.

Vaksınanyń ekinshi komponentin ala almaı júrgen turǵyndar shaǵymy da oblys basshysynyń nazarynan tys qalmady. Bul máseleni kezek kúttirmeı, shuǵyl sheshý oblystyq densaýlyq saqtaý basqarmasy basshysynyń mindetin atqarýshy A.Qalıbekovke tapsyryldy.

 

Batys Qazaqstan oblysy

 

Sońǵy jańalyqtar

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar