Búgingi tańda Aqtóbe oblysynyń 512 kásipkeri «Ashyq» jobasyna qatysýǵa ótinish berip, olardyń 378-i QR-kodtardy júktegen. Oǵan qosa 134 nysan pılottyq rejımde jumys istep jatyr. Jobaǵa qatysýshy nysandar qyzmet salalarynyń barlyǵyn qamtyp otyr.
Baǵdarlama engizilgennen bastap, óńirdegi «Ashyq» jobasyna qatysatyn nysandarda «sary» statýsy bar 73 adam jáne «qyzyl» statýsy bar 22 adam anyqtalǵan.
10 jáne 17 maýsym aralyǵynda «Ashyq» jobasynyń kómegimen Aqtóbe oblysynda «qyzyl» statýsy bar 3 jáne «sary» statýsy bar 11 oqshaýlaý rejımin buzýshy anyqtaldy.
«Ashyq» jobasyn engizýdiń negizgi maqsaty – koronavırýs ınfeksııasynyń aldyn alý, ıaǵnı aýrý juqtyrǵan nemese baılanysta bolǵan adamdardyń qoǵamdyq oryndarǵa barý jaǵdaılaryn boldyrmaý.
