«Bizdiń aımaqqa 1 mrld 800 mln tekshe metr sý qajet, onyń 80 paıyzyn biz Qyrǵyz elinen alamyz jáne oblys aýmaǵynda 3 sý qoımasy bar. О́tken jyly 2 sý qoımaǵa óndiristik qýatyn arttyrý maqsatynda jóndeý jumysyn júrgizdik. Endigi ýaqytta sol 2 sý qoımany barynsha paıdalanyp, ózen-kólderdi sýmen toltyrýymyz kerek», dedi Berdibek Saparbaev OKQ-de ótken baspasóz máslıhatynda.
Ákimniń sózine sensek, atalǵan óńirde sý qory jetkilikti.
«Bizde 600 sý uńǵymasy bar. 10 myń gektarǵa jýyq jerdi jerasty sýymen qamtamasyz ete alamyz. Búginde Almatydaǵy aýyl sharýashylyq ǵylymı ınstıtýtymen birge jumys istep jatyrmyz. Árıne, bul jerde jańa tehnologııanyń kómeginsiz bolmaıdy. Ol degenimiz – zamanaýı tehnologııanyń kómegimen ylǵaldy saqtaý, jańbyrdy paıdalaný jáne taǵy sol sııaqty. Sonymen qatar sharýa qojalyqtaryna da sýdy kezekpen jáne eseptep beretin bolamyz. Iаǵnı, barlyǵyna birdeı jetýi úshin. Ásirese bul Qordaı, Jambyl jáne Baızaq aýdandaryna qatysty. Sebebi atalǵan aýdandar sý máselesine kelgende Qyrǵyz eline táýeldi», deıdi ol.
