Oqıǵa • 21 Maýsym, 2021

Almatyda sýburqaqta tok soqqan bir naýqastyń jaǵdaıy óte aýyr

47 ret kórsetildi

Almaty sırkiniń janyndaǵy sýburqaqta tok soqqan úsh adamnyń biriniń jaǵdaıy óte aýyr. Bul týraly qalalyq Qoǵamdyq densaýlyq basqarmasy basshysynyń orynbasary Laýra Myrzaǵalı málim etti, dep habarlaıdy Egemen.kz.

«Senbi kúni keshki saǵat 16:00 shamasynda jedel járdem qyzmetine sýburqaqta bir eresek jáne eki balanyń zardap shekkeni týraly habar tústi. 1993 jyly týǵan Almaty turǵyny qazir Ortalyq klınkalyq aýrýhanada jatyr. Jaǵdaıy óte aýyr. Reanımasııa bóliminde. Barlyq medısınalyq kómekti kórsetip jatyrmyz. Ol azamatta kóptegen jaraqat bar. Qazir dárigerlerdiń baqylaýynda. Qalǵan eki kishkentaı qyzǵa keletin bolsaq, 10 jastaǵy qyz jansaqtaý bóliminen palataǵa aýystyryldy. Jaǵdaıy ortasha aýyr. 8 jastaǵy ekinshi qyz jansaqtaý bóliminde, erteńge deıin baqylaýda ustaımyz. Jaǵdaıy ortasha aýyr», dedi basqarma ókili.

Eske salaıyq, 19 maýsym kúni Almaty sırki mańyndaǵy fontanda birneshe adamdy tok soqty. Keıin ákimdik atalǵan oqıǵanyn mán-jaıyn túsindirdi. Sonymen qatar «Eco Almaty» JShS basshysy Janna Asanova, ol jerde «Shomylýǵa tyıym salynady!» degen eskertý taqtashasy ornatylǵanyn jazdy.

Almaty ákimi Baqytjan Saǵyntaevtyń aıtýynsha, oqys oqıǵaǵa qatysty polısııa tergeý júrgizip jatyr.

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar