ELBASY BÚLDIRShINDER QÝANYShYNA ORTAQTASTY

Keshe Prezıdent Nursultan Nazarbaev mektepke deıingi bilim berý mekemelerindegi oryn jetispeýshiligin tómendetý maqsatynda arnaıy ázirlengen “Balapan” baǵdarlamasynyń Astana qalasynda júzege asyrylý barysymen tanysty. Astana ákimi Imanǵalı Tasmaǵambetov Elbasyna atalǵan baǵdarlamada qoıylǵan maqsattarǵa jetý úshin birneshe baǵyttarda jumys júrgizilip jatqanyn jetkizdi. Olar­dyń qatarynda óz maqsatynda paıdalanyl­ma­ǵan balabaqsha ǵımarattaryn kommýnal­dyq menshikke qaıtarý, jańa balabaqshalar salý, jańa turǵyn úı keshenderiniń birinshi qabattarynan shaǵyn ortalyqtar qurý, mem­lekettik tapsyrys boıynsha jeke menshik ba­labaqshalar ashý, jeke ınvestısııalar ese­binen balabaqshalar qurylysyn júrgizý sııaqty mindetter bar. El Prezıdenti N.Á.Nazarbaev Mırzoıan kóshesindegi kúrdeli jóndeýden ótken 240 oryn­dyq №47 “Aq jelken” balabaqsha­sy­nyń ashylý saltanatyna qatysty. Elbasyn qoshe­metpen qarsy alǵan baldyrǵandar men “Aq jelken” balabaqshasynyń tárbıeshisi Juldyz Jortkeeva Prezıdentke búldirshin­der­diń boıynda patrıottyq sezim qalyp­tas­tyrý úshin Otanyna degen súıis­pen­shilikti uıa­latý turǵysynda tárbıelik ju­mys­tar júrgizýge basa mán beriletindigin baıan­dady. Osydan keıin búldirshinder Elbasyna án-taqpaqtar aıtyp, óz ónerlerin ortaǵa saldy. Sizge bizdiń balalar men peda­go­gıkalyq ujym atynan alǵysymdy bildirgim keledi. “Ba­la­pan” baǵdarlamasy aıasynda mynadaı úlken, keń de jaryq ǵımaratta otyrmyz. Bul úshin Sizge rızashylyǵymyz sheksiz, dep jetkizdi balabaqsha tárbıeshisi Prezıdentke óz qýanyshyn. Osy jerde Prezıdent balaýsa balǵyndarmen birge estelik sýretke tústi. “Aq jelkenge” balalaryn jelkendi úmit jetelep kelgen ata-analardyń da Elbasyna degen alǵystary sheksiz. Dılnaz esimdi ne­me­resin alyp kelgen Jańabaı Nyǵmetjanov aqsaqal men jas ata-analar atynan sóz alǵan, kishkentaı Nurasyldyń ákesi Nurjan О́mir­zaqov balalarynyń balabaqsha tabaldyryǵyn attaǵandaryna sheksiz qýanyshty ekendikterin jetkizdi. Al Astana gýmanıtarlyq kolledji­niń dırektory Ádilhan Júsipov Elbasyna atalǵan oqý ordasynyń jarty ǵasyrǵa jýyq ýaqyttan beri mektepke deıingi daıarlyq ma­man­dyǵy boıynsha qos tilde mamandar daıar­lap kele jatqandyǵyn, 2007 jyldan osyndaı mamandar qatarynyń 5 ese ósip otyrǵanyn habarlady. Nursultan Ábishuly jınalǵandarǵa ar­naǵan sózinde jas urpaqtyń óz qatarlas­tary­men birge oınap-kúlip ósýinde balabaqshanyń orny erekshe bolatyndyǵyn, búgingi búldir­shinder qýanyshyna óziniń de ortaqtas ekenin aıta kele, balǵyn bóbekterge baqytty bolyń­dar degen atalyq tilegin bildirdi. 1989 jyly salynǵan “Aq jelken” ba­labaqshasynyń aýdany 2716,9 sharshy metrdi quraıdy. Bul ǵımaratta buǵan deıin Almaty aýdanynyń ákimdigi ornalasqan bolatyn. Atalǵan ǵımaratty qalalyq bilim júıesine qaıtaryp, ony qaıta jabdyqtaý úshin “Jol kartasy” boıynsha 341,8 mln. teńge bólingen. Búgingi kúnge qarasty elordada qaıtary­lyp alynǵan 1515 oryndy qamtıtyn 10 balabaqsha jóndelip, ashylýǵa daıyn. Aldaǵy shilde, qyrkúıek aılarynda taǵy 5 balabaqsha qu­rylysyn salý josparda tur, ol 890 oryn­dy qamtamasyz etpek. Jyl sońyna deıin 2405 oryndyq 14 balabaqsha paıdalanýǵa beriledi. Sonymen qatar, Astana qalasynyń ákim­digi 2440 oryndy qamtıtyn 10 jańa bala­baq­shanyń qurylysyn júrgizýde. Onyń 1000 oryndyq tórt nysany aǵymdaǵy jyly tap­sy­rylyp, jyl sońyna deıin 1440 oryndyq 6 balabaqsha iske qosylady. Sondaı-aq shilde-qyrkúıekte turǵyn úı keshenderiniń birinshi qabattarynda 3509 orynǵa arnalǵan 15 shaǵyn ortalyqtar ashý josparlanǵan. *  *  * Astananyń mektepke deıingi bilim berý mekemelerindegi oryn jetispeýshiligin azaıtý úshin “Balapan” baǵdarlamasynyń sheńbe­rinde jańadan balabaqshalar iske qosylýda. Mysaly, №40 “Qulpynaı” jáne №51 “Altyn sandyq” osy sanattaǵy balabaqshalar. Atal­ǵan balabaqshalarǵa 2-6 jas aralyǵyndaǵy balalar qabyldanbaqshy. Buryn úıde de, túzde de analyq mindet pen elimiz damýyna úles qosýdy qatar alyp júrgen jas analardy balabaqsha máselesi qınaıtyn. Onyń kúrmeýi Elbasymyz halyqpen tikeleı baılanysqa shyqqan kezde kelip túsken ótinishter arqa­syn­da ońtaıly sheshile bastady. Astana qala­synda 2010 jyly ashylýǵa tıis 24 bala­baq­shanyń 14-i mekemelerden qaıtarylyp alyn­ǵan ǵımarattar. Olar kúrdeli jóndeýden ót­kizilip, jyl sońyna deıin balalar ıgiligine aınalmaq. Qalǵan 10-y jańadan boı kótere­tin bolady. 9 mamyrda balalarǵa aıqara esik ashatyn №51 “Altyn sandyq” balabaqshasy buǵan deıin “Qazaqstan temir joly” kom­panııasyna” tıesili bolǵan. Moskovskıı kó­she­sinde kúrdeli jóndeýden ótip, tolyqqandy daıyn turǵan “Qulpynaıdyń” ǵımaraty taıaý ýaqytqa deıin “Astana aqshamy” men “Ve­chernıaıa Astana” gazetteriniń redaksııalary bolǵan-tyn. Boıaý ıisi ańqyp, alystan qyzyldy-jasyldy bop kóz tartyp, tap-taza kúıinde kóńil qýantyp turǵan bul balabaq­shalardy qyzyqtaýǵa kelgen ata-analar da, jas balalar da máz. Uıyqtaıtyn, jatyn ból­melerinde tizilip turǵan kereýetter, oıyn bólmesi, ashanany kórgende balaqaılardyń paıdaly ýaqyt ótkizýine senimdi bolasyz. Al aýlada tebetin átkenshekter men qalashyqtar, syrǵanaıtyn oryndar ornalasqan. Bunyń bar­lyǵy da balalar úshin qaýipsiz materıal­da­rdan jasalǵan eken. Onyń ústine tár­bıeshilerge ótkizilgen qatań baıqaý sábı­lerdiń jaqsy tárbıelenýin qamtamasyz etedi. “Altyn sandyq” 265 balaǵa eseptelgen. 402,8 mln.teńgege salynǵan qurylys qysqa ýaqyt ishinde tolyq aıaqtalyp otyr. Taǵy bir qýan­tarlyǵy ashylǵan balabaqshalardyń barly­ǵynda da tárbıe jumystary memlekettik tilde júrgiziletin bolady. Osyǵan deıin de bu­lardan bólek “Eýropalyq”, “Táýelsizdik” tur­ǵyn úı keshenderinde jarty kúndik bala­baqshalar paıdalanýǵa berilgen bolatyn. Búgingi kúni Astana qalasynda balabaq­sha­ǵa ornalasýǵa 34 myńnan astam bala tirkeýde turǵan kórinedi. Al oryn jetispeýshiligi 28 myńdy kórsetip otyr. Astana qalasy ákimdigi bergen aq­parat boıynsha bıyl kezekte turǵan bala­qaılardyń 42,8 paıyzy orynmen qamtylmaq. Ábdirahman QYDYRBEK, Venera TÚGELBAI, Sýretti túsirgender S.BONDARENKO, B.OTARBAEV.