Aımaqtar • 22 Maýsym, 2021

Almatyda 12 bala beıimdeý ortalyǵyna ornalastyryldy

149 ret kórsetildi

Almatyda 12 qańǵybas bala arnaıy beıimdeý ortalyǵyna ornalastyryldy, dep habarlaıdy Egemen.kz Polisia.kz-ke silteme jasap.

Mundaı málimetterdi Almatydaǵy tártip saqshylary «Túngi qaladaǵy balalar» is-sharasynyń nátıjeleri boıynsha berdi.

– Onyń maqsaty – kámeletke tolmaǵandar arasyndaǵy quqyq buzýshylyqtyń, qaraýsyzdyqtyń aldyn-alý jáne boldyrmaý, túngi ýaqytta kámeletke tolmaǵandardyń oıyn-saýyq mekemelerinde jáne úıden tys jerlerde zańdy ókilderinsiz júrý faktilerin anyqtaý, sondaı-aq kámeletke tolmaǵandardy qoǵamǵa qarsy áreketterge tartatyn eresekter, balalardyń tárbıesine nemquraıly qaraıtyn ata-analar, sonymen qatar balalar eńbegin paıdalaný faktileri, kámeletke tolmaǵandarǵa alkogol men temeki ónimderin satý faktilerin anyqtaý, – dedi Almaty qalalyq PD JPQB ıývenaldy polısııa bóliminiń bastyǵy Janna Shonjanova.

Is-sharanyń tórt kúninde 295 jasóspirim ishki ister organdaryna túrli quqyq buzýshylyqtar úshin jetkizildi, sonyń ishinde ákimshilik quqyq buzýshylyqtar úshin – 281, qaraýsyz qalǵany jáne panasyzdyǵy úshin – 14, onyń ishinde qaraýsyz qalǵan 12 bala qıyn ómirlik jaǵdaıdaǵy balalardy qoldaý ortalyǵyna ornalastyryldy. Jeti jasóspirim jáne toǵyz qolaısyz otbasy anyqtaldy jáne esepke alyndy.  

– Sonymen qatar 272 ata-ana kámeletke tolmaǵandardyń oıyn-saýyq mekemelerinde jáne úıden tys jerlerde zańdy ókilderinsiz júrgeni úshin ákimshilik jaýapkershilikke tartyldy. Túnde zańdy ókilderinsiz oıyn-saýyq mekemelerine kirgizgeni úshin oıyn-saýyq mekemeleriniń úsh laýazymdy adamy ákimshilik jaýapkershilikke tartyldy. Sondaı-aq alkogol ónimderin satýdyń segiz faktisi, úsh temeki ónimderi jáne kámeletke tolmaǵandar túnde daıashy bolyp jumys istegen eki oıyn-saýyq mekemesi anyqtaldy. Ata-analar úshin baqylaýdyń jetkiliksizdigi jasóspirimderdiń quqyq buzýshylyqqa barýyna nemese olarǵa qarsy zańsyz is-áreketter jasaýyna ákelýi múmkin ekenin bilýi jáne túsinýi mańyzdy, sondaı-aq olardyń tárbıesi úshin jaýapkershilikti umytpaý kerek, – dedi Janna Shonjanova.

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar