Elimizdiń tynyshtyǵyn saqtaý, azamattardyń konstıtýsııalyq quqyqtary men bostandyqtaryn jáne memleket pen qoǵamnyń múddesin qorǵaý jolyndaǵy tártip saqshylarynyń eńbekterin eki aýyz sózben jetkize almasymyz anyq.
Qazaqstan polısııasy óziniń qurylǵan kúninen bastap qoǵamdyq tártip pen azamattardyń qaýipsizdigin qamtamasyz etý boıynsha mindetterin tabysty júzege asyryp keledi. Bul qyzmettiń qaýip pen qaterge toly ekenin túsiný úshin bir ǵana derekti keltire keteıik. Táýelsizdik jyldary qyzmettik mindetterin oryndaý kezinde 800 polısııa qyzmetkeri qaza taýyp, 2 655 tártip saqshysy jaraqattanǵan. Árdaıym antyna adal bolyp, el qorǵany degen ataqqa abyroıly qyzmet etip júrgen tártip saqshylarynyń ár kúni táýekelge toly ekenin osydan-aq ańǵarýǵa bolady.
Búgin 23 maýsym – kásibı mereke kúni polısııa qyzmetkerleriniń kúndelikti tynys-tirshiliginen habar berer aǵa býynnyń aq batasy men osynaý qyraǵy mamandyqty tańdaǵan jastardyń ıgi tilegin berýdi jón sanadyq. Tilek bir – polısııa qatary mindetine adal, abyroıy bıik, erligi eleýsiz qalmaıtyn bilikti mamandarmen kóbeıe bersin.
