Bul joly turaq qyzmetkeri júrgizýshige termınal qýaty taýysylǵandyqtan jumys istemeıtinin túsindirip, 200 teńge tóleýdi talap etken. Vıdeoda Lexus markaly kólik júrgizýshisi bul onyń problemasy emes ekenin aıtyp, 100 teńge tólegenin eskertedi. Kadrlardan qyzmetkerdiń júrgizýshini urmaq bolǵany kórinedi. Biraq ony áriptesteri toqtaýǵa tyrysady.
Polısııa oqıǵanyń Almaty qalasy Alataý aýdanyndaǵy «Baqorda» bazary turaǵynda bolǵanyn rastady.
«Alataý aýdandyq polısııa basqarmasy málimetine sáıkes, oqıǵa boıynsha polısııaǵa qońyraý túspegen. Sonymen qatar janjalǵa qatysýshylar anyqtaldy. Olar bir-birine aryz, shaǵym jasaýdan bas tartty. Profılaktıkalyq jumystar júrgizildi», dedi Almaty polısııa departamentiniń baspasóz qyzmeti ókili.
Aıta keteıik, 30 naýryzda osyndaı janjal «Altyn Orda» bazary turaǵynda bolǵany habarlanǵan edi. Janjaldyń vıdeosy jeli qoldanýshylary arasynda rezonans týdyrdy. Keıin eki tarap tatýlasyp, bir-birine shaǵymy joq ekenin aıtty.
