Baspa isi básekeni talap etedi

Bıyl XVIII márte ótkizilgen «Iskýs­stvo knıgı» baıqaýyna Qazaqstan Res­pýb­lıkasy tóraǵalyq etti. Uıymdastyrý jáne qatysýshy memleketter usynǵan kitaptardy jınaqtaý jumystaryn Ult­tyq memlekettik kitap palatasy atqardy. Halyqaralyq jobanyń qorytyndy jınalysy jýyrda onlaın formatta ótti.

Qorytyndy jınalystyń alǵashqy kúnindegi otyrysqa baıqaý tóraǵasy, Mádenıet jáne sport vıse-mınıstri Nurǵısa Dáýeshov qatysyp, usynylǵan kitaptardyń sapasy da aıtarlyqtaı ós­kenin atap ótti. «Bul baıqaýdyń bas­ty maqsaty – TMD memleketteri ara­syndaǵy baspa isi salasy boıynsha ári jalpy rýhanııat boıynsha ózara yn­tymaqtastyq qarym-qatynasty te­reńdetý, damytý jáne jańa jobalardy birigip júzege asyrý, qoldaý kórsetý, tájirıbe almasý», dedi ol.

Birinshi kúnniń jospary boıynsha alty memleketten usynylǵan kitap­tardy tanystyrý jáne taldaý ju­mys­­tary júrgizilip, pikirtalas úsh sa­ǵatqa sozylǵan. Qazylar alqasy usy­­nyl­ǵan kitaptardyń halyqaralyq yn­ty­maq-                                                                              tastyq, Táýelsizdiktiń 30 jyl­dyǵy, kitap­tyń bezendirilýi sııaq­ty baǵyt­tar­daǵy basymdyqtaryn, erek­shelikterin, izdenis nátıjelerin baǵa­lady. Negizgi basymdyq usynylǵan eń­bekterdi no­mı­nasııa talaptaryna saı ekenin anyq­taýǵa, jańa taqyryptardyń usy­nylýyna baǵyttaldy. Baıqaý shartyna sáıkes usynylǵan kitaptar 10 nomınasııa boıynsha («Sodrýjestvo», «Moıa strana», «Dıalog kýltýr», «Knıga dlıa deteı ı ıýnoshestva», «Naýka ı obrazovanıe», «Art-knı­ga», «Iskýsstvo ıllıýstrasıı», «Otpechatano v sodrýjestve», «Po­beda», «Gran-prı») synǵa túsedi.

Aıta keteıik, qorytyndy otyrysqa Armenııa Respýblıkasynan Ulttyq kitaphananyń Halyqaralyq jobalar koordınatory Margaret Aslanıan, Belarýs Respýblıkasynan Aqparat mınıstrliginiń Baspa isi jáne polıgrafııa isi basqarmasynyń basshysy Vladımır Andrıev, Qazaqstan Respýb­lıkasynan Ulttyq memlekettik kitap palatasynyń dırektory Ádil Qoı­tanov jáne «Balalar ádebıeti» bas­pa­synyń dırektory Shaızada Baı­ke­nova, Qyrǵyz Respýblıkasynan Mem­lekettik kitap palatasynyń dırektory Koıchymbek Mo­mýnkýlov, Reseı Fede­rasııasynan Sıfrlyq damý, baılanys jáne buqaralyq aqparat quraldary mı­nıstrliginiń BAQ-taǵy memlekettik saıasat basqarmasynyń basshysy Aleksandr Voropaev qatysty.

 «Iskýsstvo knıgı» baıqaýyna Qazaqstan Respýblıkasynyń tóraǵalyq etýi – Táýelsizdiktiń 30 jyldyǵy qar­sańynda jaýapkershiligi joǵary jumys boldy. Aýqymdy is-sharanyń joǵary deńgeıde uıymdastyrylǵanyn aıtqan Reseı Federasııasynan Sıfrlyq damý, baılanys jáne buqaralyq aqparat quraldary mınıstrliginiń BAQ-taǵy memlekettik saıasat basqarmasynyń bas­shysy Aleksandr Voropaev elder ara­syndaǵy mádenı baılanystarǵa toqtaldy.

«Biz «Iskýsstvo knıgı» baıqaýyn jyl saıyn dástúrli túrde ótkizý ar­qyly TMD memleketteri arasyndaǵy rýhanı baılanysty, mádenı qarym-qatynastardy nyǵaıtyp kelemiz. Osy baǵyttan alyp qarasaq, bul baıqaýdyń tájirıbe almasý alańyna aınalyp, halyqaralyq aýqymda mańyzdy ról atqaryp otyrǵanyn baıqaımyz. Qazaq­stan Respýblıkasy bıylǵy baı­qaýdy qashyqtan uıymdastyra otyryp, óte joǵary deńgeıde alyp shyqqanyn aıta ketýimiz kerek. Baılanys sapasy da, baıqaýdy uıymdastyrý jáne oǵan jergilikti mamandardy shaqyrý, tór­aǵanyń árdaıym tikeleı baılanysta bolýy – is-sharanyń mańyzyn arttyratyn qadamdar», dedi ol.

Al Qyrǵyz Respýblıkasynyń Mem­lekettik kitap palatasynyń dırektory Koıchymbek Momýnkýlov: «Qazaqstan Respýblıkasynyń baspa isi salasy jyl sanap qarqyndy damyp kele jatqanyn osy baıqaý tóńireginde kórip otyrmyz. Eldiń tarıhyn, mádenıetin, ádebıetin, salt-dástúrin nasıhattaıtyn iri shyǵar­malar basylyp jatyr. Biz de bıyl osy halyqaralyq konkýrsqa qazaqtyń zańǵar jazýshysy Muhtar Áýezovtiń «Abaı joly» roman-epopeıasynyń qyrǵyz tilindegi nusqasyn usynyp otyrmyz. Ádebıet pen ónerde shekara joq, biz baýyrlas halyqtardyń mádenıetine, dini men tiline, salt-dástúrine árdaıym qurmetpen qaraımyz», dep atap ótti.

Ulttyq memlekettik kitap palata­synyń dırektory Ádil Qoıtanov jınalysty qorytyndylaı kele, eki kún boıy onlaın baılanysqa shyqqan árbir qatysýshyǵa alǵys bildirdi. «Bı­yl ekinshi márte álemdegi epıdahýal saldarynan halyqaralyq baıqaýdy onlaın formatta ótkizip otyrmyz. De­gen­men qysyltaıań ýaqyt bolsa da, biz halyqaralyq qarym-qatynastardy ny­ǵaıtýdy, baspa isi salasyndaǵy táji­rıbe almasý máselelerin ózine júkteı­tin «Iskýsstvo knıgı» baıqaýy óz deń­geıinde ótti degen oıdamyz», dedi ol.

Baıqaýdyń qazylar alqasy Máskeý halyqaralyq kitap kórmesi aıasynda baıqaý jeńimpazdaryn saltanatty túr­de marapattaý sharasyn (onlaın ótýi múmkin) talqylap, eger dástúrli for­mat­ta ótken jaǵdaıda basqosýǵa ýaǵ­dalasty.