Portýgalııa men Fransııa arasyndaǵy kezdesý 2:2 esebimen teń aıaqtaldy. 31 mınýtta Ronaldý penaltıden esep ashty. Biraq birinshi taım sońynda Benzema esepti teńestirdi. Ekinshi taımda Benzema dýbl jasap komandasyn alǵa shyǵarǵan. Alaıda 60 mınýtta taǵy da penaltı tebýge múmkindik alǵan Ronaldý esepti teńestirdi.
Al Germanııa sál bolmaǵanda majarlardan jeńilip qala jazdady. Bul matchta da 2:2 esebi tirkeldi.
11 mınýtta Adam Salaı Vengrııa quramasyn alǵa shyǵarǵan. 66 mınýtta Kaı Havers mergendik tanytyp, esepti teńestirdi. Kóp uzamaı Andras Shafer majarlarǵa qaıtadan basymdyq syılady. Qıyn jaǵdaıdan nemister 84 mınýtta ǵana sytylyp shyqty. Leon Goretska gol soǵyp, sońǵy sátte óz quramasyna pleı-off joldamasyn alyp berdi.
Osylaısha 1/8 fınaldyń barlyq qatysýshylary anyqtaldy. Kelesi kezeńdegi juptar reti mynadaı:
Ýels - Danııa
Italııa - Avstrııa
Nıderlandy - Chehııa
Belgııa - Portýgalııa
Horvatııa - Ispanııa
Fransııa - Shveısarııa
Anglııa - Germanııa
Shvesııa – Ýkraına
Shırek fınalǵa shyǵý úshin bolatyn kezdesýler 26, 27, 28 jáne 29 maýsym kúnderi ótedi.
