Qazaqstan • 24 Maýsym, 2021

«Nur Sunqar»-dyń jeńimpazdary anyqtaldy

284 ret kórsetildi

«Nur Otan» partııasy Tóraǵasynyń birinshi orynbasary Baýyrjan Baıbek Facebook jelisindegi paraqshasynda jýrnalıster men medıa salasynyń ókilderin alda kele jatqan Buqaralyq aqparat quraldary qyzmetkerleri kúnimen quttyqtap, «Nur Sunqar» respýblıkalyq konkýrsynyń jeńimpazdaryn atady, dep habarlaıdy Egemen.kz.

Onyń aıtýynsha, Táýelsizdiktiń 30 jyldyǵy tusynda «Nur Sunqar» syılyǵynyń tapsyrylýy erekshe mánge ıe bolyp otyr. Elimizdegi kóptegen salalar sekildi ulttyq aqparat salasy da shyn máninde nólden bastap qurylyp, kúrdeli joldan ótti. Búginde medıa salasynda qýatty da básekege qabiletti buqaralyq aqparat quraldary paıda boldy, jańa medıa segmenti qarqyndy damýda. 

«Elbasy, partııa Lıderi Nursultan Nazarbaev aıtqandaı, buqaralyq aqparat quraldary jurtshylyqtyń kókeıine senim uıalatyp, jedel de obektıvti aqparattyń bastaýy bolýy tıis. Ásirese, bul qazirgideı buqaralyq ınfodemııa jáne feıkjańalyqtar kezeńinde erekshe mańyzǵa ıe. Osynaý qaterli qubylysqa qoǵam men medıa ókilderi birlese otyryp qarsy turýy tıis dep esepteımin. Bul rette otandyq buqaralyq aqparat quraldaryna odan ári júıeli túrde qoldaý kórsetý negizgi mindetterdiń biri bolyp tabylady. El Prezıdenti Qasym-Jomart Toqaev ulttyq medıa salasynyń azamattar men memlekettiń arasyndaǵy keri baılanysty qamtamasyz etýdegi mańyzdy rólin atap kórsetip, onyń damýyna erekshe nazar aýdarýda», dedi Baýyrjan Baıbek

Partııa Tóraǵasynyń birinshi orynbasary atap ótkendeı, «Nur Sunqar» osymen 12-shi ret ótkizilip otyr. Osy ýaqyt aralyǵynda bul syılyq jýrnalıster qaýymdastyǵy arasynda medıa salasy qyzmetkerleriniń eńbegi men kásipqoılyǵy baǵalanatyn bedeldi marapatqa aınaldy. 

«О́kinishke qaraı, pandemııa ómirimizge eleýli ózgerister engizip otyr. Sonyń saldarynan osymen ekinshi jyl qaýipsizdik sharalary eskerilip, «Nur Sunqar» syılyǵyn tabystaý onlaın-formatta ótkizilip jatyr. Bıyl konkýrsqa qatysý úshin 291 materıal tústi. Konkýrstyq komıssııa jeńimpazdardy 8 nomınasııa boıynsha anyqtady, olardyń esimderimen usynylyp otyrǵan beınerolıkten tanysýǵa bolady. Elimizdiń bıylǵy mereıtoıy eskerile otyryp, Qazaqstannyń jetistikteri týraly úzdik materıalǵa «Təýelsizdik taǵylymy» atty taǵy bir nomınasııa taǵaıyndaldy. «Nur Sunqar-2021» syılyǵynyń jeńimpazdaryn partııa basshylyǵy atynan jáne jeke óz atymnan quttyqtaımyn! Osy múmkindikti paıdalanyp, medıa salasynyń ókilderin kásibı merekeleri – Buqaralyq aqparat quraldary qyzmetkerleri kúnimen quttyqtaı otyryp, myqty densaýlyq, baq-bereke jáne jańa shyǵarmashylyq jetistikter tileımin!», dep túıindedi ol. 

Partııanyń baspasóz qyzmeti taratqan aqparatqa sáıkes, «Elbasy salǵan sara jol» atalymy boıynsha «Ortalyq Qazaqstan» gazetiniń tilshisi Ersin Musabekov jeńimpaz dep tanyldy. «Táýelsizdik taǵylymy» nomınasısymen «Ana tili» gazetiniń tilshisi Nurperzent Dombaı jáne «Azattyq-ruhy.kz» aqparattyq-saraptamalyq agenttigi bas redaktorynyń orynbasary Ardaq Seıitqazın marapattaldy.

«Televızııa úzdigi» nomınasııasy boıynsha «Atameken Business» telearnasynyń jýrnalısi Meıramgúl Mádáli marapattaldy. Al, «Partııa jarshysy» atalymyna qazylar alqasy «Habar» agenttiginiń tilshisi Irına Kamyshovanyń eńbegin laıyqty dep baǵalady. 

«Nur Sunqar» baıqaýynyń «Blogosfera úzdigi» músinshesi «Newsroom.kz»  portalynyń bas redaktory Oljas Berkinbaevqa buıyrdy. «YouTube Úzdigi» dep Nartaı Aralbaıuly tanyldy.

«Ushqyr qalam» nomınasııasynda «Astana aqshamy» gazetiniń tilshisi Qalıaqbar Úsemhanuly jeńiske jetse, «QazNet Úzdigi» nomınasııasyn «Tengrinews.kz» aqparat portalynyń tilshileri Renat Tashkınbaev pen Turar Qazanǵapov jeńip aldy.

Sońǵy jańalyqtar

Bar jaqsymyz – balalarǵa

Qazaqstan • Keshe

Adam quqyǵyn qorǵaýdaǵy jańa beles

Referendým-2022 • Keshe

Akademıktiń algorıtmi

Ǵylym • Keshe

Erdi syılar el qaıda?

Qoǵam • Keshe

Altyn qyz

Sport • Keshe

Talant pen talap

Ádebıet • Keshe

Tarıhı tanym taǵylymy

Tarıh • Keshe

Ádebı ómirdegi áıelder

Rýhanııat • Keshe

Uqsas jańalyqtar