«Ǵarysh keńistigin zertteý men paıdalaný, dostyqty nyǵaıtý salasyndaǵy halyqaralyq yntymaqtastyqty damytýǵa qosqan zor úlesi úshin Reseı Federasııasynyń Prezıdenti atynan Qyzylorda oblysynyń ákimi Ábdiqalyqova Gúlshara Naýshaqyzy Qurmet gramotasymen marapattaldy», delingen Baıqońyr qalasy ákimshiliginiń habarlamasynda.
Reseı ákimshiliginiń tarapy Gúlshara Ábdiqalyqovanyń marapattalýyna baılanysty quttyqtaý jarııalap úlgerdi.
«Baıqońyr qalasynyń turǵyndary qamqorlyǵyńyzdy únemi sezinedi, sizdiń tikeleı aralasýyńyzben Baıqońyrda kóptegen jobalar sátti júzege asyrylýda, qala turǵyndary ǵarysh salasyndaǵy ekijaqty birlesken jobalardy iske asyrý jáne Baıqońyr qalasyn damytýda bul joǵary nagradany sizderdiń eńbekterińizge berilgen baǵa retinde qabyldaıdy», delingen habarlamada.
