Bilim berý taqyrybyndaǵy materıaldardy respýblıkalyq jáne óńirlik BAQ-tyń 110-nan astam korrespondenti, sondaı-aq frılanserler usyndy. Baıqaýǵa qazaq jáne orys tilderinde ártúrli janrdaǵy 500-den astam materıal kelip tústi.
Telearnalar, gazetter, Internet-portaldar, radıokompanııalar elimizdiń medıa keńistiginiń san alýandyǵyn ańǵartady: Habar 24, KTK, Qazaqstan, 31 arna, Habar, Birinshi kanal Evrazııa, Egemen Qazaqstan, Vremıa, Forbes, Kazahstanskaıa pravda, Karavan, Bilimdi el – Obrazovannaıa strana, Ekspress K, Kazinform jáne basqa da tanymal BAQ-tar. Kóptegen jumystardy eń belgili redaksııalardyń jýrnalısteri usyndy. ⠀
Jumystardy quramyna Aqparat jáne qoǵamdyq damý mınıstri Aıda Balaeva; Qazaqstan Respýblıkasy Prezıdentiniń keńesshisi Baýyrjan Omarov; «Egemen Qazaqstan» respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli; «Press-slýjba» jýrnalynyń bas redaktory, «Press-slýjba goda» halyqaralyq baıqaýynyń qazylar alqasynyń tóraǵasy Tımýr Aslanov (Reseı Federasııasy); «Nazarbaev Zııatkerlik mektepteri» derbes bilim berý uıymy baspasóz qyzmetiniń basshysy Mıra Alıpınova engen bedeldi qazylar alqasy sarapqa saldy.
Baıqaýdyń qorytyndysyn shyǵarý jáne jeńimpazdardy saltanatty marapattaý rásimine jýrnalısterdi erekshe qońyraý syńǵyry shaqyrdy. Bul elordadaǵy alǵashqy Zııatkerlik mektepte soǵylǵan alǵashqy qola qońyraý. Rásimge jeke qatysa almaǵan qatysýshylar úshin NIS-tiń Youtube arnasynda tikeleı efır uıymdastyryldy.
– Baıqaýdyń maqsaty – jańa jaǵdaıdaǵy qazaqstandyq mektepti aqparattyq qoldaý, – dedi «Nazarbaev Zııatkerlik mektepteri» derbes bilim berý uıymynyń Basqarma tóraıymy Kúlásh Shámshıdınova.
Aqparat jáne qoǵamdyq damý Vıse-mınıstri Kemelbek Oıshybaev pandemııa kezinde bilim berý men densaýlyq saqtaý salasynda jumys isteıtin jýrnalısterdiń jaýapkershiligi arta túskenin atap ótti.
Áriptesterdi Qazaqstan Respýblıkasy Prezıdentiniń keńesshisi Baýyrjan Omarov pen «Egemen Qazaqstan» respýblıkalyq gazeti» AQ Basqarma tóraǵasy Darhan Qydyráli qatysýshylardy quttyqtap, marapattaryn tabys etti.
Jýrnalısterge arnalǵan «Jańa jaǵdaıdaǵy bilim berý» respýblıkalyq baıqaýynyń jeńimpazdary atanǵandar:
Batyrhan Togaıbaev, Forbes iskerlik jýrnalynyń bıznes-taldaýshysy
Bilim berý máseleleri boıynsha analıtıkalyq sholýlar úshin.
Ońǵarbek Quralov, «Shalqar» radıosynyń jetekshi redaktory
Qazirgi BAQ-taǵy til máselelerine arnalǵan baǵdarlamalary úshin.
Aqmaral Maıkozova, respýblıkalyq «Vremıa» gazetiniń Aqtóbe oblysy boıynsha menshikti tilshisi
Eń úzdik taqyryp úshin (Kak tebe takoe, Ilon Mask?).
Rıza Moldasheva, «Semeı tańy» qalalyq gazetiniń bas redaktory
«Ustaz tańy» taqyryptyq jolaǵy úshin.
Dýman Anash, «Egemen Qazaqstan» respýblıkalyq gazeti bas redaktorynyń orynbasary
Jańa jaǵdaıdaǵy bilim berý týraly materıaldar toptamasy úshin.
Lıýbov Dobrota, «Kazahstanskaıa pravda» respýblıkalyq gazetiniń Túrkistan oblysy boıynsha menshikti tilshisi
Inklıýzıvti bilim berýge arnalǵan ocherk úshin.
Gúlbaǵda Kóbeeva, «KTK» telearnasynyń Nur-Sultan qalasyndaǵy bıýro tilshisi
Qashyqtan bilim berý máseleleri týraly synı reportajdar úshin.
Alıbek Baıshýlenov, «Kyzylordınskıe vestı» oblystyq gazetiniń tilshisi
«Ǵarysh. Ǵylym. Intellekt» toǵyzynshy Naýryz kezdesýlerinen «Habar» telearnasynda tikeleı qosylýlar serııasy úshin.
Gúlbaqsha Aqajanova, «Saryarqa» oblystyq telearnasynyń shef-redaktory
Inklıýzıvti bilim berý taqyrybyndaǵy arnaıy reportajy úshin.
Anna Shollgına, «Habar 24» telearnasynyń Jańalyqtar bóliminiń tilshisi
Zııatkerlik kóshi-qon týraly arnaıy reportajy úshin.
Baıqaý laýreattary bolyp tanylǵandar:
Mırlan Altynbek, «Habar 24» telearnasynyń tilshisi
Elvıra Bókenbaeva, respýblıkalyq «Egemen Qazaqstan» gazetiniń tilshisi
Asel Mýkanova, «Kazahstanskaıa pravda» respýblıkalyq gazetiniń aǵa tilshisi, Nur-Sultan qalasy
Svetlana Ofıserova, «Ýchıtelskaıa plıýs» bilim gazetiniń redaktory,
Sanııa Baıtarova, Taldyqorǵan qalasy «Jetisý» telearnasynyń redaktory
Galına men Vıktor Vologodskııler, «Karavan» jáne «Kazahstanskaıa pravda» respýblıkalyq gazetteriniń tilshileri
Talǵat Ádilov, «Habar 24» telearnasynyń Mańǵystaý oblysy boıynsha menshikti tilshisi
Janııa Ábdibek, Atameken Business telearnasynyń tilshisi
Gúljan Ramankýlova, BAQ.KZ aqparattyq agenttiginiń tilshisi
Álisher О́mirzaq, «Astana» telearnasynyń tilshisi
Ult ustazy Ybyraı Altynsarınniń 180 jyldyǵyna arnalǵan «Shamshyraq» arnaıy nomınasııasynyń jeńimpazy belgili boldy. Nomınasııany «Ulaǵatty ustazǵa, ystyq yqylaspen» áleýmettik jobasy úshin «Bilimdi el – Obrazovannaıa strana» respýblıkalyq gazetiniń bas redaktory Lıazzat Týrkestanova laıyq dep tanyldy.
Zııatkerlik mektep oqýshylary jýrnalısterge arnap merekelik konsert daıyndady, onda NIS-tiń úzdik shyǵarmashylyq ujymdary: Oral jáne Aqtóbe Zııatkerlik mektepteriniń bı ansamblderi, elordadaǵy fızıka-matematıka baǵytyndaǵy mekteptiń dombyra orkestri jáne óskemendik jas vokalıster óner kórsetti.
Jýrnalısterge arnalǵan kelesi baıqaý NIS júıeciniń 15 jyldyǵyna oraı 2023 jylǵa josparlanǵan.
