«24 maýsymda Trıatlon-parkte bolǵan oqıǵaǵa baılanysty mynany atap ótý mańyzdy dep sanaımyn. Saıabaqta dosymmen serýendeý kezinde ıtpen birge kele jatqan qyz júgirý jolymen qarsy kele jatyr eken. Men oǵan «nege ıttiń tumyldyryǵy joq» dep eskertý jasadym. О́ıtkeni bul basqa adamdar úshin qaýipti bolýy múmkin dep oıladym. Buǵan biz jaýap retinde jaǵymsyz jáne dóreki sózderdi estidik. Dóreki sóz týraly qyz óziniń áleýmettik jelilerdegi paraqshasynda jazdy», dedi Talǵat Musabaev.
Senatordyń aıtýynsha, qyz polısııa shaqyrǵannan keıin ol tártip saqshylarynyń kelýin kútip, qajet bolǵan jaǵdaıda zań boıynsha jaýap berýge jáne óz sóziniń durystyǵyn qorǵaýǵa daıyn bolǵan.
«Polısııa kelgennen keıin, ıaǵnı, IIM-niń eki qyzmetkerine túsinikteme berdik. Onyń ishinde ótinish berýshi de túsinikteme berdi. Meniń tarapyma sol jerde zańsyz áreketter týraly, ásirese qandaı da bir dene jaraqatyn jasaý týraly aıyptaýlar bolǵan joq. Onyń ústine, qyz bizge qolyn sozyp, keshirim surady. Men onyń uryp-soǵý týraly aıyptaýlaryn negizsiz dep sanaımyn», dep qosty senator.
Esterińizge sala keteıik, buǵan deıin Alına Nurtas Halyq qaharmanynyń qol kótergenin aıtyp, Instagram jelisinde jazba qaldyrdy.
