«Shý-Merki avtojolynda «Aýdı» markaly kóligi toqtatylyp, ondaǵy 35 pen 46 jastaǵy azamattardy jáne kólikti tekserý kezinde júk salǵyshtan tórt qap tabylyp, onyń ishinen jalpy salmaǵy 96 keli 900 gramm «keptirilgen marıhýana» esirtki zaty anyqtaldy», dep málim etti Jambyl oblysynyń Polısııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.
QR Qylmystyq kodeksiniń 297-babynyń 3-bóligi (Esirtki zattaryn ótkizý maqsatynda asa iri mólsherde zańsyz saqtaý) boıynsha sotqa deıingi tergeý amaldary bastaldy. Atalǵan qylmys úshin múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy kózdelgen.
Ustalǵandar kinásin moıyndap, Shý qalasynyń ýaqytsha ustaý ızolıatoryna qamaýǵa alyndy.
