Buǵan deıin Halyq bank pen Eýrazııalyq bank lımıtti tolyq ıgergenin aıtyp, ótinish qabyldaýdy toqtatsa, endi SentrKredıt, Altyn Bank pen Sberbank toqtatty.
Atalmysh baǵdarlamaǵa memlekettik bıýdjetten 600 mlrd teńge baǵyttalǵan. Úsh jylǵa josparlanǵan baǵdarlama merziminen erte aıaqtalmaq. О́ıtkeni qarastyrylǵan qarjynyń barlyǵy ıgerildi. Lımıt bitti.
Sberbank ótinishti qabyldaýdy 5 maýsym kúni, Altyn Bank 15 maýsym, SentrKredıt 23 maýsym kúni toqtatqanyn málimdedi.
«Baspana hıtpen» ótinish qabyldap jatqan ázirshe Bank RBK ǵana.
Aıta keteıik, mamyr aıynda «7-20-25» pen «Baspana Hıt» baǵdarlamasynyń jabylatyny habarlanǵan edi. Aldyn ala boljam boıynsha «Baspana hıt» osy jyldyń sońyna deıin, al «7-20-25» baǵdarlamasy kelesi jyldyń sońyna deıin jalǵasýy múmkin eken aıtylǵan. Biraq «Baspana hıt» áldeqaıda erte aıaqtalǵanǵa uqsaıdy.
Jusan Bank, Forte men ATF bankter ótinish qabyldaýdy toqtatty ma álde joq pa – ázirshe belgisiz.