Qazaqstanda epıdahýaldy baqylap otyratyn ASHYQ qosymshasy tek kámeletke tolǵandar úshin ǵana qoljetimdi.
Brıfıng barysynda BAQ ókilderi Reseıde balalar qoǵamdyq oryndarǵa barmas buryn tekserýden ótýine qatysty is-sharalar qabyldanǵanyn aıtty.
Bizde balalarǵa qatysty mundaı sharalar qabyldanýy múmkin be degen suraqqa Almatynyń bas sanıtarlyq dárigeri bylaı dep jaýap berdi: «Bizde bul másele áli qarastyrylǵan joq. Mysaly, 5 jasqa deıingi balalarǵa maska kııý rejımi engizilgen joq. Buryn indet týraly balalarǵa qatysty sóz az qozǵaldy. Qazirgi jaǵdaıdy qarasaq, bir apta ishinde 14 jasqa deıingi balalar arasynda aýrýdyń taralýy 4%-ǵa artqan. Al 60 jastan asqandardyń arasynda 6%-ǵa kóbeıgen. Bul jańa paıda bolǵan shtamnyń qanshalyqty patogendi ekendigin kórsetip otyr», dedi Jandarbek Bekshın.
Sondaı-aq, bas sanıtarlyq dárigerdiń aıtýynsha, balalardyń aýrýǵa shaldyǵýy kóbeıse, bul derekter ASHYQ qosymshasyna engizilýi múmkin.
