Onlaın kezdesýge QR Germanııadaǵy elshisi Daýren Karıpov, QR sıfrlyq damý, ınnovasııalar jáne aeroǵarysh ónerkásibi Vıse-mınıstri Asqar Jambakın, QR Indýstrııa jáne ınfraqurylymdyq damý Vıse-mınıstri Dınara Sheglova, «KAZAKH INVEST» UK» AQ Basqarma Tóraǵasynyń orynbasary Jandos Temirǵalı, Astana Hub Bas dırektory Maǵjan Mádıev, sondaı-aq Siemens Advanta Lanxess AG, Gigaset AG, SAP SE, Baumüller Group, DMT GmbH & Co. KG, WILO SE sııaqty 40-qa jýyq jetekshi nemis kompanııalarynyń basshylary men ókilderi qatysty.
Kezdesý barysynda German ekonomıkasy Shyǵys komıtetiniń basqarýshy dırektory Mıhael Harms eki el bıznesmenderiniń iskerlik baılanystaryn ornatýdyń mańyzdylyǵyn atap ótti. Ol sondaı-aq Qazaqstan men Germanııadaǵy sıfrlyq transformasııany keńeıtýge odan ári serpin berýge múmkindik beretin jańa túıisý núktelerin izdeý qajettigin atap ótti.
Sonymen qatar pikirtalas barysynda Qazaqstanda júrgizilip jatqan sıfrlyq transformasııa jónindegi qyzmet atap ótildi. Jáne qatysýshylar «Astana Hub» IT-startaptar halyqaralyq tehnoparki sheńberinde ınvestorlarǵa usynylatyn memlekettik qoldaý quraldary týraly aqparat berdi.
Onlaın-kezdesý barysynda jetekshi nemis kompanııalarynyń basshylary sıfrlyq damýdyń ortaq perspektıvalaryn, ekijaqty yntymaqtastyqtyń áleýetin jáne Qazaqstannyń elektr energııasyna arnalǵan tarıfterge qatysty artyqshylyqtaryn, ınfraqurylymdy jáne adamı resýrstardy eskere otyryp, birlesken jobalardy iske asyrýǵa erekshe nazar aýdardy.
Kezdesý sońynda «suraq-jaýap» formatynda pikirtalas ótti, onda áleýetti ınvestorlar ózderin qyzyqtyrǵan máseleler boıynsha suraq qoıyp, al saýaldarǵa kásibı mamandar jaýap berdi.
