EKSPO – múmkindikter qalashyǵy

Tuńǵysh Prezıdent – Nursultan Na­zar­baev 2018 jyly maquldaǵan EKSPO keshenin kórmeden keıin paıdalaný tu­jy­rymdamasyn iske asyrý barysynda kór­me kesheni elordanyń jańa iskerlik ortalyǵyna aınaldy. EKSPO bazasynda iskerlik belsendilikti yntalandyrý jáne jetekshi damý ınstıtýttaryn tartý úshin tolyqqandy bıznes-orta qalyptasqan. Sonymen qatar keshen aýmaǵynda kez kelgen deńgeıdegi is-sharalardy ótki­zý úshin qajetti jabdyqtarmen jaraq­tan­­­dy­rylǵan zamanaýı alańdar jumys isteıdi. Damyǵan saýda, qonaqúı jáne kó­lik ınfraqurylymy iskerlik ortalyq ekojúıesiniń turaqty damýyna qolaıly jaǵdaı jasaıdy. Álqıssa.

 EKSPO nysandary qalaı jumys istep tur?

2023 jyldan bastap QazExpoCongress ulttyq kom­panııa­sy ózin ózi qamtamasyz etedi. Kólemi 25 gektardy alyp jatqan alańda 350 myń sharshy metr bolatyn 15 nysan ornalasqan. Olardyń qatarynda NUR ALEM bolashaq energııasy murajaıy, Astana IT ýnıversıte­ti, Halyqaralyq jasyl tehnologııalar jáne ınvestısııalyq jobalar ortalyǵy, «Astana» halyqaralyq qarjy ortalyǵy, Astana Hub IT startaptar tehnoparki jáne basqa da kompanııalar bar.

Budan bólek ortalyq aýmaǵynda «Sıfr­­­ly úkimettiń» keńsesi jasalyp jatyr. Jańa keńseni jyl sońyna de­ıin iske qosý josparlanǵan. Búginde ǵıma­rattardyń 98 paıyzy paıdalanylady. Munda ár saladaǵy túrli aýqymdy is-sharalar da ótip keledi. Máselen, jyl aıaǵyna deıin EKSPO-da 15 kórme uıymdastyrý josparlanyp otyr. Kon­gress ortalyǵynda da qosymsha on úsh jıyn ótedi. Ulttyq kompanııa saýda ınfraqurylymyn qurý boıynsha da jumystar júrgizip jatyr. Onyń aıasynda 4 transshekaralyq hab qurý kózdelgen.

Ulttyq kompanııanyń aktıvinde 2102 oryndyq negizgi zaly bar Kongress ortalyǵy jáne kópfýnksıonaldy alań ári Ortalyq Azııadaǵy eń iri kórme or­talyǵy – EKSPO halyqaralyq kórme ortalyǵy bar.

«QazExpoCongress» ulttyq kom­panııa­sy» AQ basqarma tóraǵasy Allen Sháıjúni­sov­tiń aıtýynsha, iskerlik orta­lyqtaǵy ma­ńyzdy nysandardyń biri, ásirese tý­rıs­terdi qy­zyqtyratyn orynǵa aınal­ǵan – NUR ALEM bolashaq energııa­sy murajaıy.

«2018 jyldan bastap murajaıda eli­mizdiń barlyq óńiriniń qatysýymen 150-den astam oıyn-saýyq jáne bilim berý is-sharasy ótip, odan bólek 500-den astam Kids&Students Future Energy ashyq sabaǵy uıymdastyryldy. Kórmeden keıingi kezeńde NUR ALEM-ge 800 myń­­nan astam adam keldi. Sheteldik tý­rıs­­terdiń basym bóligi TMD elderi, Qy­taı, AQSh, Germanııa, Italııa, Úndis­tan jáne taǵy basqa elden keldi», deıdi ol.

Aıta keteıik, bıyl 1 qańtardan bastap Máskeýdegi «Qazaqstan» saýda-kórme ortalyǵy QazExpoCongress ulttyq kom­panııasynyń balansyna qabyldan­ǵan. Ondaǵy maqsat – qazaqstandyq ta­ýar­­lardy Reseı naryǵynda ilgeriletý.

 Qazaqstan Dýbaıdaǵy kórmede ne usynady?

Eske salsaq, Dýbaıdaǵy EKSPO-2020 kór­mesin byltyr 1 qazanda ótkizý jos­par­lanǵan bolatyn. Alaıda álemdegi epı­demııalyq jaǵdaıǵa baılanys­ty kórme bir jyl keıinge qaldyryldy.
1 qazanda bastalatyn kórme alty aıǵa sozy­lyp, keler jyldyń 31 naýryzynda aıaqtalmaq. Bıylǵy taqyryby – «Aqyl-oıdy biriktirip, bolashaqty qurý». Onyń úsh máni bar: múmkindik, utqyrlyq, turaq­tylyq.

Al 2017 jyly elimizde ótken kórme – halyqaralyq mamandandyrylǵan kór­me (nemese qysqamerzimdi kórme) bol­ǵandyqtan, úsh aıǵa josparlandy.

Aldaǵy kórmede Qazaqstannyń pa­vılo­ny qandaı bolatynyn «QazExpo­Congress» ulttyq kompanııasy» AQ bas­qarma tóraǵasy Allen Sháıjúnisov aıtty. «Búginde bizdiń pavılon boıynsha eki usynys bar. Biri – ony jyljylmaly etip jasap, keıin elge alyp kelý. Ekinshi joly – kórmeden soń pavılondy Dýbaıda qaldyryp, sol jerde Qazaqstanǵa ekonomıka men syrtqy saýda boıynsha ınves­tor­lardy tartý. Biraq bul usynys áli tal­qylaný ús­tinde. Bizdiń pavılondy qu­rylys ále­minde halyqaralyq deńgeıde tanymal shveısarııalyq kompanııa salyp jatyr. «Nege otandyq kompanııa emes» degen suraqqa kelsek, aldymen qu­­rylys alańy sheteldiki, ekinshiden ke­shen jınalmaly bolady, ıaǵnı ony elge ákelý múmkindigi bar. Qazirgi ýaqytta qury­lys-montajdaý jumysy aıaqtaldy. Ta­myz-­qyrkúıek aılarynda pavılondy tes­tileý synaǵynan ótkizetin bolamyz», dedi.

Qazaqstandyq pavılon tórt aımaqtan turady. Ol – kıeli mekender kartasy, má­­denı mura, tabıǵı baılyqtar jáne bıosandyq.

«Bizdiń pavılonǵa kelýshilerge aldymen elimizdiń shyǵý tarıhyn baıandaıtyn «Shejire» atty 6 mınýttyq tanymdyq beınejazba kórsetiledi. Sonymen qatar, kórmede elordany arnaıy tanystyratyn bolamyz, sebebi Nur-Sultan qalasy jas bolǵanymen ınvestorlardy tartý jaǵynan álem qalalarynan kem emes. Pa­vılonnyń jalpy aýmaǵy – 3 400 shar­shy metr. Aldyn ala boljam boıynsha Qazaq­stannyń kórme pavılonyn 1 mln halyq kelip kóredi dep josparlanyp otyr», deıdi A.Sháıjúnisov.

«Qazaqstan – Uly dala eli» dep ata­la­tyn birinshi aımaqta respýblıka­nyń biregeı tabıǵaty, kıeli jerleri men máde­nı muralary kórsetiledi. Al ekin­­­shi aı­maq Nur-Sultan qalasy men óńir­­lerge arnal­ǵan. Úshinshi aımaqta (Future road) eli­mizdiń barlyq aldyńǵy qa­tarly je­tis­­tikterin kórsetý josparlanyp otyr.

QazExpoCongress ókilderi atap ót­ken­deı, úshinshi aımaqta beıne kórse­tiledi. Kelýshilerdi qyzyqtyrý úshin arnaıy ınteraktıvti oıyndar ótkizilmek. Tórtinshi aımaq – Final show. Jospar­lanǵan bul jobalardyń barlyǵy kór­meniń taqyrybyna sáıkes: ıaǵnı aqyl-oıdy qalyptastyra otyryp, adam men jasandy ıntellekt arasyndaǵy sımbıoz kórsetiledi.

Sondaı-aq kompanııa tóraǵasy kórme úshin stendısterdi irikteý qalaı júzege asyrylyp jatqanyn aıtty. «Qazir sten­dısterdi irikteý júrip jatyr. Sten­dıs­terdi biz osynda teremiz. Maqsat – jas­tarǵa pavılonda jumys isteýge barynsha múmkindik berý. Biz olardy tamaqpen, qonaqúımen, kerek-jaraqpen, jol aýysymmen jáne t.b. qamtamasyz etemiz. Olar úsh aıdan eki aýysymmen jumys isteıdi», dedi.

Qazaqstan Respýblıkasynyń Ulttyq pavılony Birikken Arab Ámirlikteri­niń ulttyq pavılonyna, Emirates, DP World, Enoc jáne AQSh, Saýd Arabııasy Koroldigi, Germanııa, Italııa, Japonııa, Shveısarııa, QHR jáne t.b. elderdiń korporatıvtik pavılondaryna jaqyn jerdegi «Múmkindikter» taqyryptyq klasterinde ornalasqan.

 Halyqaralyq kórme ortalyǵy ashyldy

EKSPO shaǵyn qalashyǵynda ha­lyq­aralyq kórme ortalyǵy jumys is­teı ­bastady. Bul jer «Astana EKSPO-
2017» kórmesi kezinde qoıma bolǵan eken. Keıin qoımany tıimdi paıdalaný maqsatynda kórme ortalyǵyn ashý týraly sheshim qabyldanǵan.

«Bul ortalyqta kishigirim ǵana emes, keń aýqymdy halyqaralyq deńgeıdegi kórmelerdi de uıymdastyrý múmkindigi bar. Mundaı kórme ortalyǵy Qazan qalasynda bar. Al Tashkentte endi salynyp jatyr, biraq onyń formaty basqa. Kórme ortalyǵynyń taǵy bir ereksheligi – keńdigi. Iаǵnı kez kelgen formattaǵy sharany uıymdastyrýǵa yńǵaıly. Mysaly, qazir Automechanika Astana 2021 atty halyqaralyq avtomobılder kórmesi ótip jatyr», dedi QazExpoCongress ult­tyq kompanııasynyń tóraǵasy.

Kórme ortalyǵynyń jalpy aýmaǵy – 13 myń sharty metr. Byltyr qyrkúıek aıynda ashylǵanymen, pandemııalyq ahýalǵa baılanysty osy ýaqytqa deıin birde-bir is-shara bolmaǵan.

Al aldaǵy ýaqytta ULTTYQ ÒNIM, KIOSH-2021, IndustryWeek syndy iri halyq­aralyq is-sharalardy ótkizý jos­par­lanyp otyr. Sondaı-aq Smart City Nur-Sultan aqyldy qalalardyń halyq­aralyq IT-kongresin ótkizý josparda bar.