Ýkraınanyń jasyl jelekti elge aınalamyz degen bul nıeti suraq týyndata bastady. О́ıtkeni EO-ǵa múshe 27 memleket áldeqaıda qarapaıym maqsat qoıǵan. Olar 2030 jylǵa qaraı keminde úsh mıllıard jańa aǵash otyrǵyzamyz dep otyr.
Sarapshylar Ýkraınanyń bul sheshimi eldiń qorshaǵan ortasyn jaqsartyp qana qoımaı, bıoalýantúrlilik pen tabıǵı ekojúıege zııandy áser etýi múmkin dep qorqady. Ýkraına jeriniń 70 paıyzy aýyl sharýashylyǵy úshin paıdalanylady, bul – Eýropadaǵy eń joǵary kórsetkishterdiń biri jáne ótkennen, ujymdyq aýyl sharýashylyǵy qaldyrǵan mura.
«Ýkraına aýmaǵynyń shamamen 40 paıyzy dalalyq klımattyq aımaqqa jatady, biraq eldiń tek 3 paıyzy ǵana tabıǵı dala ekojúıesiniń baı florasyn saqtap qalǵan», deıdi ýkraınalyq tabıǵatty qorǵaý tobynyń belsendisi Alekseı Vasılıýk.
Ol dala kartalaryn jasaýǵa jáne onyń florasyn jikteýge kóp jyldar jumsady. «Ýkraına dalasynda kezdesetin ósimdikter kóp, olar óz tabıǵı ortasynan bólek jerde joıylyp ketýi múmkin», deıdi A.Vasılıýk. Úkimet aǵashty paıdalanylmaıtyn aýyl sharýashylyǵy alqaptarynda otyrǵyzamyz degen. Sarapshy Ýkraınanyń kóp dalasy zań boıynsha tozǵan aýyl sharýashylyǵy jerleri bolyp esepteletinin aıtady. Ol eger Úkimet basqa aýyl sharýashylyǵy jerlerin saqtap qalýdy josparlap otyrsa, onda bir mıllıard aǵash qaıda ketedi degen suraq týyndaıtynyn alǵa tartty. Mamandar bir mıllıard aǵash qorshaǵan ortaǵa qalaı áser etetini túsiniksiz dep otyr.
