Qazaqstan • 29 Maýsym, 2021

Nur Otan-da aýyl sharýashylyǵyn sýbsıdııalaý máseleleri qaraldy

91 ret kórsetildi

Tyńaıtqyshtar óndirý, jem-shóp satyp alýdy sýbsıdııalaý, otandyq agrohımııanyń jaı-kúıi jáne basqa da ózekti máseleler «Nur Otan» partııasy janyndaǵy Agrarlyq sektordy damytý jónindegi respýblıkalyq qoǵamdyq keńestiń otyrysynda talqylandy, dep habarlaıdy Egemen.kz.

Keńes múshesi Iаralı Halılov sharýalardy sýbsıdııalaýdyń qazirgi júıesiniń ashyqtyǵy kúmán týdyratynyn alǵa tartty. Máselen, eger Qazaqstanda barlyǵy 252 myńnan astam aýyl sharýashylyǵy sýbektisi bolsa, solardyń 3,8%-y ǵana arzandatylǵan baǵamen ósimdikterdi qorǵaý quraldaryn, 6%-y ǵana tyńaıtqyshtar alǵan.

«Bul qoldanystaǵy sýbsıdııalaý tártibiniń tıimsizdigin kórsetedi. Qarjylyq qoldaýǵa tek tańdaýlylar ǵana qol jetkize alatyndaı kórinedi. Aqshany árkimniń qolyna ustata salýǵa bolmaıdy. О́ndiris faktorlaryn jetkizýshilerge, ıaǵnı fermerler tuqym, jabdyq satyp alǵandarǵa tikeleı tóleý kerek. Sýbsıdııalardy kim jáne qalaı alǵanyn baqylaý ońaıyraq bolady», dedi Iаralı Halılov.

Tyńaıtqyshtardy sýbsıdııalaý salasynda da aıtarlyqtaı qıyndyqtar barshylyq. О́ıtkeni sýbsıdııalaý tártibi jyl saıyn jáne dál kóktemgi egis jumystary kezinde ózgeredi. Osylaısha, fermerler tyńaıtqyshty qazaqstandyq óndirýshilerden satyp ala almaı qalady. Sosyn olar shet eldikin alady nemese tyńaıtqyshqa jarymaı, ony az mólsherde paıdalanady. Qazaqstandyq hımııa ónerkásibi odaǵynyń basshysy Muqash Eskendirovtiń aıtýynsha, ótken jyly mıneraldy tyńaıtqyshtarǵa beriletin sýbsıdııanyń jalpy kólemi 27,8 mlrd. teńgeni quraǵan. Biraq, bul aqshanyń basym bóligi shetelge ketken.

«Otandyq mıneraldyq tyńaıtqyshtardy óndirýshilerdiń úlesine barlyq sýbsıdııalaý kóleminiń 48%-y ǵana tıesili. Osy maqsatqa bólingen bıýdjet qarajatynyń jartysynan kóbi, al bul shamamen 14,5 mlrd. teńge ózbek jáne reseılik zaýyttarǵa ketti», dedi Muqash Eskendirov.

Osy naryqta tártip ornatý úshin Keńes tóraǵasy, Májilis depýtaty Berik Ospanov óndirýshilerge óz qoımalarynyń bolýyn mindetteýdi usyndy. Onyń pikirinshe, bul kontrafaktilik ónimdermen kúresýge múmkindik berip qana qoımaı, otandyq tyńaıtqyshtarǵa degen suranysty arttyrady.

«О́ndirýshi zaýyttardy óńirlerde óz qoımalaryn salýǵa mindetteý kerek. Sonda memlekettiń sýbsıdııalary shyǵý tegi men sapasy kúmán týǵyzatyn ımporttyq ónimge jumsalmaıdy. Eger sheteldik óndirýshiniń ýákiletti ókili, Qazaqstan aýmaǵynda mamandandyrylǵan qoımalary bolmasa, onda fermerlerge olardyń tyńaıtqyshtaryn satyp alýǵa sýbsıdııa berýge bolmaıdy», dedi Berik Ospanov.

Keńes músheleri Mańǵystaý jáne Qyzylorda oblystaryndaǵy mal shyǵynyna qatysty jaǵdaıdy jeke talqylady. Aýyl sharýashylyǵy birinshi vıse-mınıstri Aıdarbek Saparovtyń aqparaty boıynsha, Mańǵystaý oblysyna 1733 tonna arpanyń 637 tonnasy tómendetilgen baǵamen jetkizilgen. Al oblystyq bıýdjetten jem satyp alýǵa 204 mln. teńge bólindi. Qyzylorda oblysyna 1400 tonnadan astam shóp jóneltilip, «Azyq-túlik kelisim shart korporasııasy UK» AQ-men bekitilgen baǵa boıynsha 490 tonna arpa satyp alý týraly kelisimshart jasalǵan.

Keńes tóraǵasy Berik Ospanov osyndaı jaǵdaılardyń aldyn alý úshin, fermerlerdi qoljetimdi baǵada ýaqytyly jem-shóppen qamtamasyz etetin jem-shóp qory qurylýy tıis degendi erekshe atap ótti. Budan basqa, salalyq vedomstvo agrosaqtandyrý quraldaryn engizý múmkindigin zerdeleýi tıis.

Otyrys qorytyndysy boıynsha Agrarlyq keńes Aýyl sharýashylyǵy mınıstrligine birqatar usynystar berdi. Atap aıtqanda, jem-shóp óndirý, tehnıka satyp alý, sondaı-aq otandyq tuqym óndirý jáne ımporttyq tuqym satyp alý kólemine taldaý jasaý baǵytynda sońǵy 5 jyldaǵy memlekettik qoldaý sharalaryna egjeı-tegjeıli taldaý júrgizý. Budan basqa, mınıstrlikke sýbsıdııalardy tikeleı zaýyttarǵa jiberý arqyly tyńaıtqyshtardyń 3 jylǵa arnalǵan biryńǵaı qunyn belgileý máselesin pysyqtaý qajet.

Sońǵy jańalyqtar

Almatynyń 199 turǵyny koronavırýs juqtyrǵan

Koronavırýs • Búgin, 16:43

Úkimette KQK-daǵy jaǵdaı talqylandy

Úkimet • Búgin, 14:40

Nur-Sultan «sary» aımaqqa ótýi múmkin

Koronavırýs • Búgin, 14:10

OPEK-tiń bas hatshysy kóz jumdy

Álem • Búgin, 13:59

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Uqsas jańalyqtar