Qalalyq jerlerde kórsetkish 2,4 paıyzdan 3,2-ge kóterilse, aýyldyq jerlerde ózgeris joq. Degenmen kórsetkish joǵary - 6,3 paıyz.
О́ńirler bólinisinde tabysy kúnkóris mınımýmynan tómen úı sharýashylyqtar úlesi Túrkistan oblysynda tirkelgen - 9,1 paıyz. Budan keıin Soltústik Qazaqstan (6 paıyz) jáne Mańǵystaý (5,8 paıyz) oblystary tur. Eldegi tómen kórsetkish Nur-Sultan qalasyna tıesili. Munda tómengi kirisi bar otbasylar úlesi 1,6 paıyzǵa teń.
Sonymen qatar Qaraǵandy (2 paıyz) jáne Atyraý (2,8 paıyz) oblystarynda bul kórsetkish tómen. О́zge aımaqtarda kirisi tómen turǵyndar sany artqan. Almaty (2,4 paıyz), Shymkent (1,1 paıyz), Pavlodar (1 paıyzǵa) jáne Soltústik Qazaqstan (1 paıyz) oblystarynda kórsetkish artqan.
Otbasylardyń shyǵyny turǵyndardy desıldi toptarǵa bólý kezinde úlken aıyrmashylyqty kórsetedi.
Mysaly, bıyl birinshi toqsanda az qamtylǵan turǵyndardyń 10 paıyzy men qamtý deńgeıi joǵary turǵyndardyń 10 paıyzynyń shyǵyn mólsherinde 5,8 eselek aıyrmashylyq bolǵan: orta eseppen bir adamǵa eseptegende 26,8 myń jáne 156 myń teńge.
Sonymen qatar tutyný shyǵynynyń aıyrmashylyǵy 5,4 esege teń: adam basyna eseptegende 25,8 myń jáne 139,5 myń teńge. Azyq-túlik shyǵyny - 4,3 ese, aqyly qyzmet - 5,6 ese, kıim, mata jáne aıaq-kıim shyǵynynda 5,1 ese aıyrmashylyq bar.
