Foto: Ashyq derekkóz
Sanjar Ábishev Londonda mektep jasynan beri turady. Ol Ulybrıtanııadaǵy ataqty Malvern College kolledjin jáne ýnıversıtetti támamdaǵan.
Saıası dodaǵa Konservatıvti partııanyń ókili retinde túsip, basty básekelesteri – leıborısterden 350 daýysqa ozyp shyqty. Nátıjesinde ol Vestmınster qalalyq keńesiniń (Westminster City Council) atqarýshy organyna múshe bolyp endi. Bul jańalyqty kásipker Qanat Kópbaev óziniń áleýmettik jelisinde qýana habarlady.
«Sanjar Ábishev meniń dosymnyń uly. Qazaq otbasynan shyqqan, brıtan elıtasynda eshqandaı tanys-tamyry joq jigit tek bilimi men eńbeginiń arqasynda osyndaı dárejege jetti. Bul – onyń úlken saıası jolynyń bastamasy ǵana dep senemin. О́z aýdanyńa, qalańa jáne qazaq eline paıdańdy tıgize ber», dep jazdy kásipker.
Aıta keteıik Sent-Djeıms aýdany – Londonnyń eń bedeldi ári tarıhı aımaqtarynyń biri sanatynda. Ol Býkıngem saraıyna jaqyn, Pıkadıllı men Regent-strıt kósheleriniń arasynda ornalasqan. Bul aýdanda koroldiktegi eń qymbat jyljymaıtyn múlikter men tarıhı Sent-Djeıms saıabaǵy bar.
Asyljan QURMANǴALI
