Foto: Ashyq derekkóz
Mınıstrdiń aıtýynsha, BAÁ-niń OPEK-ten shyǵý týraly sheshimi ekonomıkalyq sebeptermen baılanysty jáne munaı óndirý kólemin arttyrý josparyna negizdelgen.
Serik Jumanǵarın «OPEK dáýiriniń aıaqtalýy» týraly pikirlerge saqtyqpen qaraý kerektigin atap ótti. Onyń sózinshe, álemdik munaı naryǵyndaǵy jaǵdaı turaqsyz jáne kóptegen faktorlarǵa táýeldi.
«Tipti BAÁ óndiristi ulǵaıtqan kúnniń ózinde, naryqta munaıdyń balama kózderi saqtalady», dedi ol.
Táýligine 206 myń barrel: OPEK+ elderi munaı óndirisin arttyrýǵa kelisti
Jumanǵarınniń málimetinshe, 2027-2029 jyldarǵa arnalǵan bıýdjettik josparlaý aıasynda munaı baǵasyna qatysty birneshe makroekonomıkalyq boljam ázirlengen.
«Alańdaýǵa negiz joq. Jalpy, jaqyn ýaqytta Qazaqstandy úlken daǵdarystar kútip tur dep oılamaımyz», dedi mınıstr.
Sondaı-aq mınıstr halyqaralyq tájirıbede munaı baǵasyna qatysty bazalyq, optımıstik jáne pessımıstik ssenarııler qoldanylatynyn aıtty. Bul tásil ekonomıkaǵa tónýi múmkin táýekelderdi aldyn ala eskerýge múmkindik beredi.
Eske sala keteıik, buǵan deıin Birikken Arab Ámirlikteriniń OPEK uıymdarynan shyǵatynyn jazǵan bolatynbyz.
Nurbolat AMANBEK
