Foto: Erlan Omar/egemen.kz
Serik Jumanǵarın aldyn ala aıtylǵan kez kelgen qarjylyq kórsetkish keıin resmı ustanym retinde qabyldanatynyn aıtyp, naqty sandardy ataýdan bas tartty. Onyń sózinshe, memlekettik organdar usynatyn bastapqy esepter keıin qaıta qaralyp, qysqartylady.
«Bizge kez kelgen kólemdegi soma usynylýy múmkin. Biraq qarjy-ekonomıkalyq bloktyń mindeti – sol shyǵyndardy azaıtý. Ádette Ulttyq ekonomıka jáne Qarjy mınıstrlikterinen ótkennen keıin kórsetkishter edáýir qysqarady. Artyq shtattar qysqartylyp, negizsiz shyǵyndar men jalaqy kólemi qaıta qaralady», dedi vıse-premer Parlament palatalarynyń birlesken otyrysynan keıin ótken brıfıngte.
Vıse-prezıdent jáne Halyq keńesi: Jańa Ata Zań jobasy Varshavada tanystyryldy
Onyń aıtýynsha, jańa qurylymdardy qarjylandyrýdyń negizgi tetigi retinde Úkimet rezervin paıdalaný múmkindigi joǵary.
Eske salaıyq, bıyl qańtar aıynda ótken Ulttyq quryltaıdyń V otyrysynda Memleket basshysy Qasym-Jomart Toqaev Qazaqstanda Halyq keńesi qurylatynyn málimdegen edi. Jańa organ Qazaqstan halqy Assambleıasy men Ulttyq quryltaıdyń fýnksııalaryn biriktirip atqarady.
Sonymen qatar Prezıdent elde vıse-prezıdent laýazymyn engizýdi usynǵan bolatyn.
Vıse-prezıdentti taǵaıyndaý tártibi: Quryltaıdyń róli men jańa laýazymnyń mańyzy
