Foto: Ashyq derekkóz
Parlament palatalarynyń birlesken otyrysynan keıin ótken brıfıngte mınıstr elimizdegi rastalǵan gaz qorynyń jaǵdaıy máz emes ekenin ashyq aıtty. Onyń sózinshe, qazirgi tómen baǵa jekemenshik kompanııalar úshin tıimsiz, sondyqtan olar gaz óndirýge qyzyǵýshylyq tanytpaı otyr.
«Biz áli de gazdyń kóterme baǵasyn kóterýdi josparlap otyrmyz. Baǵa – ınvestorlar úshin yntalandyratyn ári tartymdy faktor. Sondyqtan osy salaǵa ınvestor tartý úshin bıyl taǵy bir ret gazdyń kóterme baǵasyn kóterýge májbúr bolamyz», dedi Serik Jumanǵarın.
Vıse-premer eger ishki óndiris baǵany kóterý arqyly yntalandyrylmasa, Qazaqstannyń syrttan keletin gaz ımportyna táýeldiligi artatynyn eskertti. Al syrtqy jetkizýshiler baǵa belgileý kezinde elimizdiń ishki áleýmettik jaǵdaıyn eskermeıdi.
Mınıstrdiń paıymdaýynsha, halyq úshin gaz baǵasyn bolashaqta salystyrmaly túrde qoljetimdi deńgeıde saqtaýdyń jalǵyz joly – óz óndirisimizdi arttyrý. Al bul tek kóterme tarıfterdi ósirý arqyly ınvestorlardy qyzyqtyrýmen ǵana júzege aspaq.
