Qujat boıynsha birjolǵy zeıteaqy tólemin alýshy shetelde emdelýge nıettense, ýákiletti operatordan shetel valıýtasynda arnaıy shot ashýy qajet. Al Biryńǵaı jınaqtashýy zeınetaqy qorynan qarjy teńgemen alynatyndyqtan, ulttyq valıýtada taǵy bir arnaıy shot ashylady. Budan keıin dárigerlik komıssııanyń qorytyndysy negizinde sheteldik uıym kórsetken medısınalyq qyzmettiń oryndalǵanyn rastaıtyn qujatty ýákiletti operatorǵa usynady.
Shetel valıýtasynda arnaıy shot osy kezde qajet. 10 jumys kúni ishinde usynylǵan qujattardy qarap, birjolǵy tólemdi aýdarý nemese aýdarmaý týraly sheshim shyǵarylady. Zeınetaqy jınaǵyn paıdalanýshy dárigerlik komıssııanyń qorytyndysyn alǵannan keıin, em alatyn sheteldik uıymdy tańdaıdy. Uıym emdelýshimen medısınalyq qyzmetter kórsetý týraly shart jasasyp, tólem shotynyń skanerlengen nusqasyn, tólem shotyn jáne ýákiletti operatordyń ınternet-resýrsyndaǵy óziniń jeke kabınetinde dárigerlik komıssııa qorytyndysyn alady. Mınıstrlik talqylaýǵa shyǵarǵan buıryq jobasyndaǵy negizgi jańalyq – buǵan deıin alynǵan emdik aralardyń aqysyn birjolǵy zeınetaqy tólemi arqyly óteýge ruqsat berý.
Ol úshin jınaq ıes ózi tirkelgen jerdegi medısınalyq uıymǵa júginip, alǵan emdik sharalary týraly dárigerlik komıssııanyń qorytyndysyn berýdi ótinedi. Eger em Qazaqstan aýmaǵynda alynǵan bolsa, naýqastyń medısınalyq kartasynan úzindi kóshirme talap etiledi. Al em shetelde alynsa: aýrý tarıhynan jazyp berý epıkrıziniń kóshirmesi nemese medısınalyq uıym men alýshy arasynda jasalǵan medısınalyq qyzmetter kórsetý týraly shart nemese satýshy men alýshy arasynda jasalǵan dárilik zattardy satyp alýǵa arnalǵan shart derektemelerin, shot shet tilinde jasalǵan jaǵdaılarda notarıat kýálandyrǵan aýdarmasyn qosa berý kerek.
Bul rette alynǵan medısınalyq qyzmetter men satyp alynǵan dárilik zattar 2021 jylǵy 1 qańtardan bastap týyndaǵan qatynastarǵa qoldanylady. Taǵy bir jańashyldyq – balalardy ata-anasynyń birjolǵy zenetaqy tóleminiń esebinen emdeýge múmkindik berý. Qujatty talqylaý 15 shildege deıin jalǵasady.
