ShQO ákimdiginiń habarlaýynsha, qazirgi ýaqytta óńirdegi saýda qyzmetkerleriniń 55%-dan astamy, medısına qyzmetkerleriniń 96%-y, kúsh qurylymdarynyń 91%-y, pedagogtardyń 83%-y, stýdentterdiń 49%-y vaksına alǵan.
Jalpy, oblys boıynsha qyzmet kórsetý, saýda, qoǵamdyq tamaqtaný, bilim berý, densaýlyq saqtaý, quqyqtyq tártipti qamtamasyz etý, týrızm jáne t. b. salalardaǵy qyzmetkerlerdiń 66%-y vaksına aldy.
Oblys basshysy Danıal Ahmetov elimizdiń Bas memlekettik sanıtar dárigeriniń jańa Qaýlysyna sáıkes Qazaqstannyń barlyq aımaǵyndaǵy COVID-19-ǵa qarsy vaksına almaǵandardyń jumysqa shyǵýy shekteletinin atap ótti. Bul tizimge sońǵy 3 aı ishinde turaqty medısınalyq qarsy kórsetilimi bolǵan jáne KVI-men aýyryp jazylǵan adamdar kirmeıdi.
Osyǵan baılanysty, aımaq basshysy Shyǵys Qazaqstan oblysynyń qalalary men aýdandarynyń ákimderine eki kúnde qaýlyda kórsetilgen salalardyń qyzmetkerlerin vaksınalaý kestesin ázirleýdi jáne vaksınalaýdyń birinshi kezeńin 15-shildege deıin aıaqtaýdy tapsyrdy.
