Koronavırýs • 03 Shilde, 2021

Shymkent turǵyndarynyń 50%-y vaksına saldyrdy

58 ret kórsetildi

Shymkent qalasynda pandemııaǵa baılanysty qurylǵan jedel shtabtyń kezekti otyrysy ótti. Jıynda vırýsqa qarsy is-qımyl nátıjeleri men vaksınalaý máseleleri talqylandy, dep habarlaıdy Egemen.kz.

Shymkent qalasy epıdemıologııalyq jaǵdaı boıynsha «qyzyl aımaqqa» ótti. Qalada vırýs juqtyrǵandar sany úsh kún boıy 100-den joǵary bolyp otyr. Osyny negizge alǵan qala ákimi Murat Áıtenov karantındik shekteýlerdiń oryndalýyn qatań baqylaýdy tapsyrdy. Sonymen qatar, turǵyndar arasynda vaksınasııa týraly túsindirý jumystaryn júrgizýdi  mindettedi.

Qalalyq densaýlyq saqtaý basqarma basshysynyń orynbasary A.Bekbaýovanyń aıtýynsha, qazir qala boıynsha 45 bekette vaksınalaý jumystary júrgizilip jatyr. Ekpe alǵandar sany 50 paıyzdan asqan.

«Qalada 536 myń adam ınfeksııaǵa qarsy ekpe saldyrý qajet bolsa, búgingi tańda 267 595 adam birinshi komponentin aldy. Bul vaksınasııa josparynyń 50%-yn quraıdy. Ázirge Shymkent vaksına alǵandar úlesi boıynsha kósh bastap tur», dedi A.Bekbaýova. 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar