Abaı shyǵarmalary – norveg tilinde

Oslo qalasyndaǵy Ádebıet úıinde ótken jańa jınaqtyń tusaý­keserinde Qazaqstannyń Nor­ve­gııadaǵy elshisi Erkin Ahınjanov: «Qazaqstan Prezıdenti Qasym-Jomart Toqaev Abaı murasyna ul­tymyzdyń birligi men órkendeýine jol ashatyn qundy baılyq retinde júginýge shaqyrady. Biz Abaı shy­ǵarmalarynyń norveg tilinde jaryq kórýin Qazaqstan táýelsizdiginiń 30 jyldyǵyna arnaımyz, – dedi.

Abaı jaıly ómirbaıandyq taraýdy norveg ǵalymy, baspager ári kitaptyń bas redaktory Os­hıld Kıýlos jazǵan. Ol óz sózinde: «Abaı dara qoǵamdyq synshy boldy, biraq ony birinshi kezekte ekzıstensıaldyq máseleler tolǵantty. Abaıdyń «Qara sóz­deri» álemdik ádebı muranyń ma­ńyzdy bóligi sanalady. Abaı shyǵarmalaryn norveg tiline aýdarý – Qazaqstandy Norvegııaǵa tanystyrýdyń biregeı múmkindigi. Buǵan qosa, bul jalpy adamzat tájirıbesine uly oıshyldyń kózqa­rastarymen bólisý múmkindigi de bolyp tabylady. Bizdiń baspa bul jobany joǵary baǵalady, – dedi.

Al aýdarmashy hakim murasynyń eshqashan eskirmeıtinin, kerisinshe ýaqyt óte kele oǵan suranys kú­sheıe beretinin aıtty. «Aqyn shyǵarmalary qoǵamnyń kóne, túp-tamyry shabylmaǵan máselelerin naqty sýretteıdi, elge baǵyt-baǵ­­dar silteıdi. Abaıdyń ósıet sóz­derin ár adam bilim, adamgershilik pen sypaıylyq sabaqtaryn ala alatyn ómir mektebi deýge bola­dy. Abaı otbasy negizderine, bala tárbıeleýge, tilderdi oqý men óz­ge mádenıettermen tanysýǵa kó­ńil bóledi. Sonymen qatar Abaı ádebıet bilgiri bolǵan. Ony sha­byttandyrǵandardyń arasynda Fırdaýsı, Nızamı jáne Naýaı sııaq­ty shyǵys klassıkterinen bas­tap orystyń kórkemsóz sheberleri – Lermontov, Tolstoı men Pýshkın, batystyń aqyndary – Gete men Geıne boldy. Ol 120-150 jyl buryn da, búgingi tańda da ózekti, ýa­qyttan tys máseleler týraly jaz­ǵan. Norvegııa oqyrmandary Abaı shyǵarmalarynan kóptegen paıdaly taǵylymdar ala alatynyna senimdimin, – dep atap ótti L.Boboıorova.

Norvegter álemdegi kitapty eń kóp oqıtyn halyqtardyń biri eke­nin eskerip, aýdarmanyń joǵary sapasyna ǵana emes, kitaptyń qa­lyń oqyrmanǵa qoljetimdiligin qamtamasyz etýge de nazar aýdary­lyp otyr. Jańa jınaq norveg kitaphanalarynan bólek, sıfrly platformalarda taratyldy. Bul basylym qazir Londondaǵy kitap kórmesinde de tanystyrylýda.